“Ang mga Tinun-an Nagkadaghan”

Samtang ang unang Simbahan mitubo, mga pundok sulod niini usahay dili magkauyon sa usag usa (Tan-awa sa Mga Buhat 6:1). Sa unsa nga paagi nga kita isip mga sakop sa Simbahan makabuntog sa dili pagpanag-uyon ug mga panagbahin taliwala kanato? Nganong mahinungdanon nga kita mobuhat sa ingon?
Sa unsa nga paagi nga si Felipe nakahimamat sa Etiopiahanon nga eunoco? (Tan-awa sa Mga Buhat 8:25–29.) Unsa nga mga panalangin ang miabut kang Felipe ug ngadto sa Etiopiahanon tungod kay si Felipe misunod sa Espiritu? (Tan-awa sa Mga Buhat 8:30–38.) Unsa nga mga panalangin ang miabut kanimo (o ngadto sa usa nga imong nailhan) tungod kay ikaw misunod sa Espiritu?
Si Saul nausab gikan sa usa ka tiggukod sa mga Santos ngadto sa pagkabantugan nga sulugoon sa Ginoo human niya nadungog ang tingog sa Ginoo (Mga Buhat 9:1–9, 17). Unsaon nato pagkadungog sa tingog sa Ginoo? (Tan-awa sa D&P 1:38; 6:23; 8:2; 18:34–36.) Sa unsa nga paagi nga ang pagkadungog sa iyang tingog makatabang kanato mahimong kinabig?

Sugyot alang sa Panaghisgut sa Banay

Human sa pagbasa ug pagmarka sa kadena nga kasulatan dinhi niini nga seksyon isip usa ka banay, ipangutana ang mosunod nga mga pangutana:

Sa imong hunahuna ngano kaha nga mahinungdanon man nga mahimong sakop sa usa ka purok (o sanga)? Kinsa ang pipila sa mga pangulo ug mga magtutudlo sa atong purok? Unsa man ang ilang gipangbuhat sa pagtabang ug pagsuportar kanato? Unsa man ang atong mahimo aron sa pagtabang ug pagsuportar kanila?