“Kinsa ang Akong Silingan?”

Unsa ang tambag ni Jesus ngadto niadto kinsa magtinguha sa pagkabot ug tinuod nga kabantog diha sa iyang gingharian? (Tan-awa sa Mateo 18:2–4; Marcos 9:35.) Sa unsa nga paagi nga kita mahimong labaw nga sama sa bata ug labaw nga masugtanon ngadto sa kabubut-on sa atong Amahan sa Langit?
Sa pagtudlo sa sambingay sa walay kalooy nga sulugoon, si Jesus mihatag og gibug-aton sa kamahinungdanon sa pagpasaylo sa uban (Mateo 18:23–35.) Sa unsa nga paagi nga kita sama sa mga sulugoon sa hari diha sa atong utang ngadto sa Ginoo? Unsa ang imong makatunan gikan sa panig-ingnan sa hari sa pagpasaylo sa uban? Unsa ang pipila ka mga kakuyaw sa dili pagpasaylo sa uban? (Tan-awa sa Mateo 18:34–35.)
Unsa ang imong makat-onan gikan sa sambingay sa maayong Samarianhon? (Tan-awa sa Lucas 10:25–37.) Sa unsa nga paagi ikaw napanalanginan pinaagi “sa maayong mga Samarianhon”? Sa unsa nga paagi ikaw mamahimong “maayong Samarianhon”? (Tan-awa sa Mosiah 4:26.)

Sugyot alang sa Panaghisgut sa Banay

Basaha ang sambingay sa maayong Samarianhon (Lucas 10:25–37). Hatagi og igong pagtagad ang pagdapit sa Manluluwas sa pag “lakaw, ug mobuhat ka sa ingon” (Lucas 10:37). Dayon pagbuhat og listahan sa imong mga higala, mga paryente, ug ubang mga kaila, hangyoon ang matag sakop sa banay sa pagtampo bisag usa ka pangalan ngadto sa lista. Paghimo og mga plano sa pag-alagad sa usa o duha sa mga tawo nga anaa sa listahan sa umaabot nga semana.