“Ako Mao ang Kahayag alang sa Kalibutan”

Unsa ang gitudlo ni Jesus sa mga katawhan nga buhaton aron makaangkon og pagpamatuod sa iyang mga pagtulun-an? (Tan-awa sa Juan 7:17.) Sa unsa nga paagi nga ikaw makagamit niini nga panudlo diha sa imong kinabuhi?
Unsa ang gipasabut nga si Jesus mao ang kahayag alang sa kalibutan? (Tan-awa sa kadena nga kasulatan dinhi niini nga seksyon.) Sa unsa nga paagi nga ikaw makatabang sa uban nga makakita sa kahayag nga gitanyag ni Kristo? (Tan-awa sa Mateo 5:16; 28:18–20; Mga Taga-Filipos 2:14–15.)
Unsa ang gisaad ni Jesus niadtong kinsa mopadayon sa pagsunod kaniya? (Tan-awa sa Juan 8:31–32.) Unsa ang mapalingkawas kanato sa kamatuoran? (Tan-awa sa Juan 8:33–34.) Sa unsa nga paagi nga ang pagbuhat og sala makapahimo kanato nga ulipon? (Tan-awa sa Alma 12:11; 34:35.) Sa unsa nga paagi nga ang pagkahibalo sa kamatuoran nakapahimo kanimo nga gawasnon?

Sugyot alang sa Panaghisgut sa Banay

Palunga ang mga suga sa lawak, ug isira ang mga kurtina o mga taptap. Paghangyo og usa ka sakop sa banay sa paghimo og yano nga buluhaton nga nagkinanglan sa pagtan-aw, sama sa pagbasa og balaang kasulatan o sa paghulagway og litrato. Dayon pasigaa ang mga suga, ablihi ang mga kurtina o mga taptap, ug hangyoa ang sakop sa banay sa paghimo sa buluhaton pagusab. Hisguti ngano nga sayon buhaton ang buluhaton kon nagsiga ang suga. Basaha sa Juan 8:12, ug hangyoa ang mga sakop sa banay sa paghisgut og mga pamaagi nga si Jesukristo mao ang kahayag sa kalibutan.