አዳም እና ሔዋን

ምርጫዎችን በማድረግ ልምድ ማግኘት

አዳም እና ሔዋን በምድር ከሚኖሩት የእግዚአብሔር ልጆች የመጀመሪያዎቹ ነበሩ። በሁሉም ዓይነት እጽዋት እና ዛፎች በተከበበ ውብ የኤደን ገነት ውስጥ ይኖሩ ነበር። የሰማይ አባታችን እግዚአብሔር እና ጌታ ኢየሱስ ክርስቶስ እነርሱን ይጎበኟቸው እና ያነጋግሯቸው ነበር።

ዘፍጥረት 2፥8–9፤ 3፥8፤ ሙሴ 3፥8–9፤ አብርሐም 5፥8፣ 14–19

ከአንዱ በስተቀር ከሁሉም የዛፍ ፍሬ እዲበሉ እግዚአብሔር ፈቀደላቸው። መልካምንና ክፉን ከሚያሳውቀው ዛፍ ከበሉ፣ ከገነት መውጣት አለባቸው እንዲሁም በመጨረሻም ይሞታሉ። ሰይጣን አዳምን እና ሔዋንን ዋሸ። ሰይጣን፣ ፍሬውን ከበሉ መልካምን እና ክፉን ያውቃሉ እንጂ አይሞቱም አለ።

ዘፍጥረት 2፥16–17፤ 3፥1–5፤ ሙሴ 3፥9፤ 4፥6–11፤ አብርሐም 5፥9፣ 12–13

ሔዋን ፍሬውን ለመብላት መረጠች።

ዘፍጥረት 3፥5–6፤ ሙሴ 4፥12

ሔዋን ለአዳም ከፍሬው ጥቂቱን ሰጠችው። እርሱም ይህን ለመብላት መረጠ።

ዘፍጥረት 3፥6–7፤ ሙሴ 4፥12

እግዚአብሔር እና ጌታ እነርሱን ጎበኙ፣ ነገር ግን አዳም እና ሔዋን ፈርተው ነበር እናም ተደበቁ። እግዚአብሔርንም መልካምንና ክፉን ከሚያሳውቀው ዛፍ ፍሬ በልተው እንደሆነ ጠየቃቸው።

ዘፍጥረት 3፥8–13፤ ሙሴ 4፥13–14

አዳም እና ሔዋን ፍሬውን ለመብላት እንደመረጡ ለእግዚአብሔር ነገሩት። በምርጫቸውም ምክንያት ከኤደን ገነት መውጣት ነበረባቸው። ከእግዚአብሔር ተለያይተው ነበር፣ ነገር ግን ለእነርሱ እቅድ ነበረው። አሁን መልካምን ከክፉ አወቁ እንዲሁም ልጆችን መውለድ ቻሉ።

ዘፍጥረት 3፥16–24፤ ሙሴ 4፥15–31

አዳም እና ሔዋን የእግዚአብሔርን ትዕዛዛት በሙሉ ለማክበር ቃል ገቡ። የእንስሳት መስዋዕት እንዲያቀርቡ ተምረው ነበር። ሲታዘዙም ስለእግዚአብሔር ልጅ ስለኢየሱስ ክርስቶስ ይበልጥ ተማሩ። ቤተሰባቸውን ወደ እግዚአብሔር ለመመለስ እርሱ ስለሚረዳቸው ሁለቱም ታላቅ ደስታ ተሰማቸው።

ዘፍጥረት 3፥23፤ ሙሴ 5፥1–12