“ዮሴፍ በግብፅ ውስጥ፣” የብሉይ ኪዳን ታሪኮች [2022 (እ.አ.አ)]
“ዮሴፍ በግብፅ ውስጥ፣” የብሉይ ኪዳን ታሪኮች
ዮሴፍ በግብፅ ውስጥ
ባሪያ የነበረው መሪ ሆነ
ዮሴፍ ጲጥፋራ ለሚባል ሰው እንደ ባሪያ ተሸጠ። ጲጥፋራ የግብፅ መሪ ለሆነው ፈርዖን ይሰራ ነበር። ጌታ ዮሴፍን እንደረዳው ጲጥፋራ ማወቅ ችሎ ነበር። ዮሴፍን አመነው እናም በቤቱና በንብረቱ ሁሉ ላይ አዛዥ አድርጎ ሾመው።
የጲጥፋራ ሚስት ዮሴፍን ትወደው ነበር። ዮሴፍ ከእሷ ጋር የጌታን ትእዛዛት እንዲጥስ ትፈልግ ነበር። ዮሴፍ አይሆንም አላት።
የጲጥፋራ ሚስት አልሰማ አለች፤ ስለዚህ ዮሴፍ ሮጦ ሸሸ። በዮሴፍ ተናደደች።
የዮሴፍን ልብስ ቁራጭ ለጲጥፋራ አሳየችው። ስለዮሴፍ ጲጥፋራን ዋሸችው። ጲጥፋራ ዮሴፍን እስር ቤት አስገባው።
ዮሴፍ ከቤተሰቡ ተለይቶ ነበር። ባሪያ ሆኖ ነበር፤ እንዲሁም አሁን እስረኛ ሆነ። ነገር ግን ጌታ ዮሴፍን አሁንም ረዳው። ዮሴፍ ተስፋ አልቆረጠም። በዮሴፍ ውስጥ ያለውን መልካም ነገር እንዲያይ ጌታ የእስር ቤቱን ጠባቂ ባረከው። ጠባቂው እርሱን ማመን ጀመረ፤ ስለዚህ ዮሴፍን በሌሎች እስረኞች ላይ ሾመው።
ዮሴፍ እንጀራ አበዛ እና ጠጅ አሳላፊ በመሆን ለፈርዖን ሲሠሩ የነበሩ ሁለት እስረኞችን አገኘ። ሁለቱም ያልተለመዱ ህልሞችን አዩ። በጌታ ኃይል አማካኝነት ዮሴፍ ህልማቸው ምን ማለት እንደሆነ አብራራ። የጠጅ አሳላፊው ህልም ትርጉም ጠጅ አሳላፊው ነፃ ይሆናል ማለት ነበር። ከሦስት ቀናት በኋላ እንደገና ለፈርዖን እንዲሠራ ተፈታ።
አንድ ቀን ፈርዖን ባያቸው ህልሞች ተቆጣ። ህልሙ ምን ማለት እንደሆነ ማንም ሊነግረው አልቻለም።
ከዚያም ጠጅ አሳላፊው ዮሴፍ ህልሞችን ማስረዳት እንደሚችል አስታወሰ።
ዮሴፍ የፈርዖንን ህልሞች ለማብራራት ከእስር ቤት ወጣ። ዮሴፍ የህልሞቹ ትርጉም ግብፅ ለሰባት ዓመት በምግብ ትትረፈረፋለች ከዛም ተከትሎ ለሰባት አመት በምግብ እጥረት ረሃብ ይሆናል ማለት ነው አለ። በመልካሞቹ ዓመታት ግብፅ ተጨማሪ ምግብን ማጠራቀም እንዳለባት ዮሴፍ ለፈርዖን ነገረው።
ዮሴፍ ስለህልሙ የተናገረው እውነት መሆኑን ፈርዖን አወቀ። ዮሴፍን ከእስር ቤት ነፃ አወጣው እንዲሁም ዮሴፍን በግብፅ ውስጥ ታላቅ መሪ እንዲሆን አደረገው። ለሰባት ዓመታት፣ ግብፅ ተጨማሪ ምግብ እንድታከማች ዮሴፍ ረዳ።
ከዚያም ረሀቡ መጣ። በዚህ ጊዜ ማንም ሰው ምንም ምግብ ማምረት አልቻለም ነበር። ሰዎች ዮሴፍ ያከማቸውን ምግብ ለመግዛት ወደ ግብፅ ተጓዙ። በዮሴፍ ምክንያት ግብፃውያኑ ራሳቸውንም ሆነ ሌሎችን ከረሃብ ለማትረፍ የሚያስችላቸውን በቂ ምግብ አከማቹ።