“ነቢዩ ኤልያስ፣” የብሉይ ኪዳን ታሪኮች [2022 (እ.አ.አ)]
“ነቢዩ ኤልያስ፣” የብሉይ ኪዳን ታሪኮች
1 ነገሥት 16–18
ነቢዩ ኤልያስ
የእናት እምነት እና የጌታ ተአምራት
የእስራኤል መንግስት ምንም ዝናብ አልነበራትም፣ እናም ውሀም እያለቀ ነበር። ንጉስ አክዓብ እና ንግስት ኤልዛቤል የጌታን ነቢያት አይወዱም ነበር። አንዳንድ ነቢያትን እንኳን እንዲገደሉ አድርገዋል። ንጉሱ እና ንግስቲቱ ዝናብ እንዲዘንብ ወደ ጣዖት ጸለዩ። ነበር ግን ነቢዩ ኤልያስ ጌታ ለአመታት ዝናብ እንደማይልክ ነገራቸው።
ንጉሱ እና ንግስቲቱ በኤልያስ ላይ ተቆጡ። ህይወቱ አደጋ ላይ ስለነበረ ጌታ ኤልያስን እንዲደበቅ አስጠነቀቀው።
ጌታ ኤልያስን ወደ ጅረት መራው እንዲሁም ምግብ እንዲያመጡለት ወፎችን ላከ። ዝናብ ባለመኖሩ ጅረቱ ደርቆ ነበር እናም ኤልያስ ውሀ አልነበረውም።
ጌታ ኤልያስን በሩቅ ከተማ ወደምትገኝ አንዲት ሴት መራው። ኤልያስም ውሀ እና እንጀራ ጠየቃት። ነገር ግን ለራሷ እና ለወንድ ልጇ ብቁ የሚሆን የአንድ ቀን ምግብ ብቻ ነበር ያላት።
የመጨረሻዋ ትንሽ ምግብ እንደነበረ ኤልያስ አወቀ። ብትመግበው ጌታ ዝናቡ እስኪመጣ ድረስ ለቤተሰቧ ምግብ እንደሚያቀርብ ቃል ገባላት።
ሴትየዋ ለኤልያስ እንጀራ ጋገረች። ከዚያም ዘይቷ እና ዱቄቷ ተባዙ። ለኤልያስም ለቤተሰቧም ለብዙ ቀናት በቂ የሆነ ምግብ ነበራት።
አንድ ቀን የሴቲቱ ልጅ ታመመ እና ሞተ። ጌታ ለምን ይህ እንዲደርስባት እንደፈቀደ ኤልያስን ጠየቀችው።
ኤልያስ ክህነት ነበረው። ልጇን ባረከው እንዲሁም ወደ ህይወት እንዲመልሰው ጌታን ጠየቀው። ልጁም እንደገና ተነፈሰ፣ እናም ሴቲቱም ኤልያስ የጌታ ነቢይ እንደሆነ አወቀች።