“የግብፅ መቅሰፍቶች፣” የብሉይ ኪዳን ታሪኮች [2022 (እ.አ.አ)]
“የግብፅ መቅሰፍቶች፣” የብሉይ ኪዳን ታሪኮች
ዘጸአት 4–5፤ 7–12
የግብፅ መቅሰፍቶች
ፈርዖን ከጌታ በተቃራኒ ያደረጋቸው ምርጫዎች
ሙሴ እግዚአብሔርን አመነ እናም ወደ ግብፅ ተመለሰ። ሙሴ እና ወንድሙ አሮን ወደ ፈርዖን ሄደው እስራኤላውያንን ነፃ እንዲለቅና ከግብፅ እንዲወጡ ጠየቁት። ፈርዖን ተቆጥቶ ነበር እናም እምቢ አለ። እንዲያውም እስራኤላውያን የበለጠ እንዲሠሩ አስገደዳቸው።
ፈርዖን ጌታን ባለመስማቱ፣ ግብፃውያን በአስከፊ መቅሰፍቶች ተረገሙ። በመጀመሪያ፣ በግብፅ ያለው ውሃ ሁሉ ወደ ደም ተቀየረ። ሙሴ እስራኤላውያንን እንዲለቅ ፈርዖንን እንደገና ጠየቀው፣ ፈርዖን ግን አይሆንም አለ።
በመቀጠልም፣ ጌታ እንቁራሪቶችን ወደ ግብፅ ላከ። እነርሱም በሁሉም ቦታ ነበሩ። ፈርዖንም እንቁራሪቶቹ ከሄዱ እስራኤላውያንን እለቃለሁ አለ። ጌታ እንቁራሪቶቹ እንዲሄዱ አደረገ፣ ፈርዖን ግን እስራኤላውያንን አልለቀቀም። ከዚያም ጌታ ቅማል እና ዝንቦችን ላከ።
በመቀጠልም፣ ሁሉም የግብፃውያን እርሻ እንስሳት ሞቱ፣ ነገር ግን ከእስራኤላውያን እንስሳት መካከል አንዳቸውም አልሞቱም። ከዚያ ግብፃውያን በሰውነቶቻቸው ላይ የሚያሰቃዩ ቁስሎች መጡባቸው።
ታላቅ አውሎ ንፋስ ከበረዶ እና ከእሳት ጋር ወደ ግብፅ መጣ። ይህም አስከፊ ውድመት አስከተለ።
ፈርዖን አሁንም እስራኤላውያንን አልለቀቀም። ከዚያም ጌታ አንበጣዎችን ላከ፣ እናም እነሱ የሰዎችን ምግብ በሙሉ በሉ።
ከዚያም ለሦስት ቀናት ጨለማ ሆነ። በብዙዎቹ መቅሰፍቶች ወቅት፣ ፈርዖን መቅሰፍቱ የሚቆም ከሆነ እስራኤላውያንን ለመልቀቅ ቃል ገብቶ ነበረ፣ ነገር ግን በእያንዳንዱ ጊዜ ቃሉን ያጥፍ ነበር።
ከዘጠኝ የተለያዩ መቅሰፍቶች በኋላ፣ ፈርዖን አሁንም እስራኤላውያንን አልለቀቀም። ጌታ ለሙሴ ሌላ አስከፊ መቅሰፍት እንደሚመጣ ነገረው። ነፃነታቸውን እየጠበቁ ሳሉ፣ ጌታ እስራኤላውያን መርቶና ጠብቆ ነበር።