1 Mpindiewu â ki mêyi akayisha Amuleke bantu bavua mu bulaba bua Amoniha, wamba ne:

2 Ndi Amuleke, ndi muana wa baluma wa Gidona, uvua muana wa Yishemaela, uvua kankanunuina ka Aminadi; ne yeya muina Aminadi awu wakandamuna mifunda ivua pa tshimanu tshia ntempelo, ivua mifunda kudi munu wa Nzambi.

3 Ne Aminadi uvua kankanunuina ka Nefi, uvua muana wa Lehi, wakapatuka ku bulaba bua Yelushalema, uvua kankanunuina ka Manashe, uvua muana wa baluma wa Yosefe, uvua mupanyibua ku Ejipitu ku bianza bia bana babu.

4 Ne monayi, ndi kabidi muntu udi muenda lumu luimpa lua bungi munkatshi mua bonsu badi bammanya; eyowa, ne monayi, ndi ne malela a bungi ne balunda, ne ndi kabidi mupeta mabanji a bungi ku dienza dianyi dia mudimu dikola.

5 Nansha nanku, kunyima kua bionsu ebi, ntshivua mumanya bia bungi bitangila njila ya Mukalenga, ne malu masokoka enda ne bukola buenda bua dikema nansha. Mvua ngamba ne ntshivua mumanya bia bungi bitangila bintu ebi nansha; kadi monayi, ndi ntupakana, bualu mvua mumona malu masokoka ne bukola buenda bua dikema bia bungi; eyowa, mena ku dikuba dia mioyo ya bantu aba.

6 Nansha nanku, ngakapapisha mutshima, bualu Nzambi uvua mmubikila misangu ya bungi ne ngakabenga kuteleja; bua nanku mvua mumanya bintu ebi, kadi ngakabenga kumanya; bua nanku ngakatungunuka ne kutombokela kua Nzambi, kulondesha ku bubi buvua mu mutshima wanyi, mena tô ne mu dituku dinayi dia ngondu ewu wa muanda muteketa, didi mu tshidimu tshia dikumi tshia dikôkesha dia balumbuluishi.

7 Pamvua ngenza luendu bua kukamona mulela wanyi wa pabuipi menamena, monayi, muanjelu wa Mukalenga wakammuenekela ne wakamba ne: Amuleke, pingana nzubu kueba, buela neudisha muambi wa Mukalenga; eyowa, muntu munsantu, muntu udi musungudibua kudi Nzambi; bualu uvua mujila matuku a bungi bua mibi ya bantu aba, ne udi ne nzala, ne neumuakidila mu nzubu weba ne neumudisha, ne neakubenesha ne ba mu nzubu mueba; ne dibenesha dia Mukalenga neditudila pa mutu peba ne pa ba mu nzubu weba.

8 Ne biakalua ne ngakatumikila dîyi dia muanjelu, ne ngakapingana ku nzubu kuanyi. Ne pamvua mpinganaku ngakasambakena ne muntu muanjelu mungambila ne: Neumuakidile mu nzubu mueba—ne monayi uvua muntu muina ewu uvua unuambila bitangila malu a Nzambi.

9 Ne muanjelu uvua mungambila ne mmuntu munsantu; bua nanku ndi mumanya ne udi muntu munsantu, bualu bua bivua bingambila kudi muanjelu wa Nzambi.

10 Ne, ndi mumanya kabidi ne bintu bivuaye mujadika bidi bilelela; bualu monayi ndi nnuambila ne, bu mudi Mukalenga ne moyo, mena ki mudiyi mutuma muanjelu wenda bua kundejeja bintu ebi; ne wakenza nanku patshivua Alama ewu musomba ku nzubu kuanyi.

11 Bualu monayi, udi mubenesha ba mu nzubu muanyi, udi mumbenesha, ne bantu bakaji ba mu nzubu muanyi, ne bana banyi, ne tatuanyi ne malela anyi; eyowa, udi mena malela anyi onsu, ne dibenesha dia Mukalenga didi ditudila pa mutu petu bilondeshila ku mêyi akambaye.

12 Ne mpindiewu, pavua Amuleke muamba mêyi â bantu bakabanga kukema, pakamonabu ne kakuvua amu mujadiki umua uvua ujadika bua bintu bivuabu bababandila to, ne kabidi bua bintu bitshilualua, bilondeshila ku nyuma wa buambi uvua munda muabu.

13 Nansha nanku, kuvua bamua munkatshi muabu bavua bela meji a kubela nkonku, bua kubakuatabu mafi ku mêyi abu ku budimu buabu, bua bapeta njadikilu wa kubaluisha nenda, bua kubafilabu kudi balumbuluishi babu bua kubambuluisha bilondeshila ku mikenji, ne kubashipabu anyi kubelabu mu buloko, bilondeshila ku bubi buvuabu mua kubamueneshela anyi kubadingila.

14 Mpindiewu bavua bantu aba bavua bakeba bua kubashipesha, bavua balumbuluidi, bavua bantu bangata ku mudimu anyi batekibua kudi bantu bua kuenzeja mikenji meba a malumbulula abu, anyi mu malumbulula bua mibi ya bantu kumpala kua balumbuluishi.

15 Mpindiewu balumbuluidi aba bavua balonga didinga ne budimu bonsu bua bantu; ne ebi bivua bua kubambuluisha bua bamanya bua kuenza mudimu wabu.

16 Ne biakalua ne bakabanga kukonka Amuleke nkonku, nanku bua bamutompakajija mêyi enda, anyi bamutupakajija mêyi ambaye.

17 Mpindiewu kabavua bamanya ne Amuleke uvua mua kumanya majinga abu to. Kadi biakalua ne pakabangabu kumuela nkonku, wakamona meji abu, ne wakabambila ne: Ô nuenu bena lukongu lua bantu lubi ne lunyanguka, nuenu balumbuluidi ne bena mpala ibidi, bualu nudi nuasa bishimikidi bia diabulu; bualu nudi nuteka masoka ne mateyi bua kukuata bansantu ba Nzambi.

18 Nudi nuenza bulongolodi bua kunyangakaja njila ya bakana, ne bua kuluisha tshiji tshia Nzambi pa mitu yenu, mena tô ne ku dibutuka dijima dia bantu aba.

19 Eyowa, Mosiya, yeya uvua mfumu wetu wa ndekelu, wakamba bimpa, pakavuaye pabuipi ne kulekela bukalenga, bualu kavua ne muntu nansha umua wakubuambikila to, wakenza ne bantu aba bakôkeshibua ku mêyi abu nkayabu—eyowa, wakamba bimpa ne bialua tshikondu tshiasungula dîyi dia bantu aba bualu bubi, buena kuamba ne, bialua tshikondu tshiapona bantu aba mu disambuka dia mikenji, nebikala baboba bua dibutuka.

20 Ne mpindiewu, ndi nnuambila ne Mukalenga udi ulumbuluisha bimpa bitangila malu mabi enu; udi ubila bimpa kudi bantu aba, ku dîyi dia banjelu benda ne: Kudimunayi mutshima, kudimunayi mutshima, bualu bukalenga bua mu diûlu budi pabuipi.

21 Eyowa, udi ubila, ku dîyi dia banjelu benda ne: Nempueka munkatshi mua bantu banyi, ne bujalama ne bululama mu bianza bianyi.

22 Eyowa, ne ndi nnuambila ne bu kabuyi bua masambila a bakana, badi mu bulaba mpindiewu to, nuvua nukumbudibua mena mpindiewu ne dibutuka dijima; kadi kabivua bikala ku mâyi muwula a mvula, bu muakenzekelabi bantu mu matuku a Noa to, kadi bivua bikala ku tshiyola, ne ku tshipupu, ne ku muela wa mvita.

23 Kadi bidi ku masambila a bakana ki mu nudi bepelesha; mpindiewu bua nanku, binuipata bakana munkatshi muenu apu Mukalenga kakukandika tshianza tshienda to; kadi mu tshiji tshienda tshikola nealua kunuluisha; nanku nenutûtshibua ne tshiyola, ne tshipupu, ne muela wa mvita; ne diba didi pabuipi katataka pa kumbusha nuenu bakudimuna mutshima.

24 Ne mpindiewu biakalua ne bantu bavua bafîkila Amuleke tshiji tshipita, ne bakabila, bamba ne: Muntu ewu udi upenda mikenji yetu idi mikala miakana, ne balumbuluidi betu ba lungenyi batuvua basungula.

25 Kadi Amuleke wakôlola tshianza tshienda, ne wakabila lupita bukola kudibu, wamba ne: Ô nuenu bena lukongu lua bantu lubi ne lunyanguka, bua tshinyi Satana udi mitshima yenu bikola nanku? Bua tshinyi nudi nudilekelela kudiye bua kuikalaye ne bukola kunudi, bua kufofomijaye mesu enu, bua nubenga kumvua mêyi atudi tuamba, bilondeshila ku bulelela buawu?

26 Bualu monayi, ndi mujadika muimanyina mikenji yenu anyi? Kanuena numvua to; nudi nuamba ne ndi muakula muimanyina mikenji yenu; kadi ntshiena muenza nanku to, kadi ndi muakula mu dibandisha dia mikenji yenu, bua dipîla dienu.

27 Ne mpindiewu monayi, ndi nnuambila ne tshishimikidi tshia dibutuka dia bantu aba tshidi tshibanga kuibakibua kudi dipanga dia buakana dia balumbuluidi benu ne balumbuluishi benu.

28 Ne mpindiewu biakalua ne pakamba Amuleke mêyi â bantu bakamuelela mbila bamufunda, bamba ne: Mpindiewu tudi bamanya ne muntu ewu udi muana wa diabulu, bualu watushimi; bualu udi muakula mu dibenga dia mikenji yetu. Ne mpindiewu udi wamba ne kena muakula mu dibenga diayi to.

29 Ne kabidi, uvua mupenda balumbuluidi betu, ne balumbuluishi betu.

30 Ne biakalua ne balumbuluidi bakasaka mu mitshima yabu ne bavua ne bua kuvuluka bintu ebi bua kumuluishabu.

31 Ne kuvua umua munkatshi muabu uvua ne dîna ne Zêzeloma. Mpindiewu uvua wa kumpala kua mulongu bua kubanda Amuleke ne Alama, ne uvua umua wa bamanyi bapiluka bikola ba munkatshi muabu, uvua ne bungenda mushinga bua bungi buvuaye wenda munkatshi mua bantu.

32 Mpindiewu tshiena bualu tshia balumbuluidi aba tshivua tshia kupeta makasa; ne bavua bapeta makasa bilondeshila ku mudimu wabu.