1 Ne mpindiewu biakalua ne ngakapeta mukanda wa Amolona, mfumu, ulonda ne pangafila bena lukanu ba mvita batuvua bakuata neafila tshimenga tshia Antipala kutudi.

2 Kadi ngakatuma mukanda kudi mfumu, ne tuvua bamanya bushuwa ne bisumbu bietu bia basalayi bivua bikumbana bua kuangata tshimenga tshia Antipala ku bukola buetu; ne mu difila bena lukanu bua kupeta tshimenga atshi, netudimona katuyi ne lungenyi to, ne katuakufila bena lukanu betu to, amu mu dishintulula.

3 Ne Amolona wakabenga mukanda wanyi, bualu wakabenga kushintulula bena lukanu; bua nanku tuakabanga kudilongolola bua kuya kubunda tshimenga tshia Antipala.

4 Kadi bantu ba mu Antipala bakashiya tshimenga, ne bakanyema ku bimenga biabu bikuabu, bivuabu bangata, bua kubikolesha; ne nanku tshimenga tshia Antipala tshiakapona mu bianza bietu.

5 Ne ki muakajika tshidimu tshia makumi abidi ne tshia muana mukulu tshia dikôkesha dia balumbuluishi nanku.

6 Ne biakalua ne ku ntuadijilu wa tshidimu tshia makumi abidi ne tshia tshitema, tuakapeta biakudia, ne kabidi dikumbaja dia basalayi bakuabu ku musumba wetu wa basalayi, bafumina ku bulaba bua Zalahemela, ne ku bulaba bua ku mpenga yabu yonsu, bafika tô ne ku bungi bua binunu bisambombo, pa kumbusha bana ba baluma makumi asambombo ba Bena Amona, bavua balua kudisangisha kudi bana babu, bavua bikala tshisumbu tshianyi tshikesa tshia binunu bibidi. Ne mpindiewu mona, tuvua ne makanda, eyowa, ne bakatuluila kabidi biakudia bia bungi.

7 Ne biakalua ne dijinga dietu divua dia kuela musumba wa basalayi uvuabu bateka bua kukuba tshimenga tshia Kumeni mvita.

8 Ne mpindiewu mona, nenkuleja ne katataka tuakakumbaja dijinga dietu; eyowa, ne masalayi etu a makanda, anyi ne tshitupa tshia masalayi etu a makanda, tuakanyungulula, butuku, tshimenga tshia Kumeni, kakesa kumpala kua bobu kupeta biakudia.

9 Ne biakalua ne tuakatudila ku mpenga yonsu ya tshimenga bua matuku a bungi; kadi tuvua tulala ne miela yetu ya mvita, ne tuvua bateka balami, bua Bena Lamana kabalu kutubunda butuku ne kutushipa, muakidikijabu misangu ya bungi; kadi misangu yonsu yakidikijabu nanku tuakitshikija mashi abu.

10 Kunyima kua mutantshi biakudia biabu biakafika, ne bavua pabuipi ne kubuela mu tshimenga butuku. Ne pamutu pa tuetu kuikala Bena Lamana, tuvua bikala Bena Nefi; bua nanku, tuakabakuata ne biakudia biabu.

11 Ne nansha mutuvua bakosa dikuatshisha dia Bena Lamana ku mushindu ewu, batshivua amu bapangadika bua kukuba tshimenga; bua nanku biakakengedibua ne tuangata biakudia abi ne tubituma ku Yuda, ne tutuma bena lukanu batuvua bakuata ku bulaba bua Zalahemela.

12 Ne matuku a bungi ka akapita to kumpala kua Bena Lamana kubangabu kujimija ditekemena dia kupeta diambuluisha; bua nanku bakafila tshimenga mu bianza bietu; ne tuakakumbaja dijinga dietu dia kupeta tshimenga tshia Kumeni.

13 Kadi biakalua ne bena lukanu betu bavua bapita bungi ne, nansha muvua bungi buetu buikala bunena, tuvua ne tshia kuenzela tshisumbu tshietu tshia basalayi tshionsu bua kubalama, anyi bua kubashipa.

14 Bualu mona, bavua balua mu bisumbu binena, ne bavua baluangana ne mabua, ne ne bibonga, anyi ne tshintu tshionsu tshivuabu bua kutua bianza biabu, mua ne tuakashipa kupita binunu bibidi kunyima kua bobu badifila bu bena lukanu ba mvita.

15 Bua nanku bivua bikengedibua ne tufikisha ku ndekelu mioyo yabu, anyi tubalama, ne muela wa mvita ku tshianza, tô ne ku bulaba bua Zalahemela; ne kabidi biakudia bietu bivua bikumbana amu bua bantu betu nkayabu, nansha bua bituvua banyenga kudi Bena Lamana.

16 Ne mpindiewu, mu malu makola awu, biakalua bualu bupita bukola bua kupangadika tshituvua bua kuenza ne bena lukanu ba mvita aba; nansha nanku, tuakapangadika bua kubapuekeshisha ku bulaba bua Zalahemela; bua nanku tuakasungula tshitupa tshia ku bantu betu ne tuakabapesha bujitu bua bena lukanu betu bua kupueka nabu ku bulaba bua Zalahemela.

17 Kadi biakalua ne pakatshiabu bakapingana. Ne mpindiewu mona, katuakabebeja bitangila bena lukanu to; bualu mona, Bena Lamana bavua balua kutubunda, ne bavua bapingana diba diakana bua kutupandishabu ku dipona mu bianza bia Bena Lamana. Bualu mona, Amolona uvua mubatumina ndambu wa biakudia bikuabu ne kabidi musumba wa basalayi ba bungi bua didikuatshisha diabu.

18 Ne biakalua ne bantu batuakatuma ne bena lukanu abu bakafika diba diakana bua kubimanyikija, pakavuabu pabuipi ne kututamba bukola.

19 Kadi mona, tshisumbu tshianyi tshikesa tshia bantu binunu bibidi ne makumi asambombo tshiakaluangana katshiyi nansha tshitangila njiwu to; eyowa, bavua bakamakana kumpala kua Bena Lamana, ne bakapesha lufu kudi bonsu bavua babaluisha.

20 Ne pavua tshishadi tshia musumba wetu wa basalayi tshikala pabuipi ne kupingana kunyima kumpala kua Bena Lamana, mona, bantu binunu bibidi ne makumi asambombo abu bavua bakamakana ne kabayi batshina to.

21 Eyowa, ne bakatumikila ne bakatangila bua kuenza muaku onsu wa dîyi bu muvuawu; eyowa, ne mena biakabenzekela bilondeshila ku ditabuija diabu; ne ngakavuluka mêyi akangambilabu ne bamamuabu bavua babalongesha.

22 Ne mpindiewu mona, tudi ne dibanza dinena kudi bana banyi ba baluma aba, ne kudi bantu bavua basungudibua bua kufila bena lukanu bua ditshimuna dinena edi; bualu bobu bakatamba Bena Lamana; bua nanku bakabalukija ku tshimenga tshia Manti.

23 Ne tuakalama tshimenga tshietu tshia Kumeni, ne katuakashipibua bonsu ku muela wa mvita to; nansha nanku, tuvua bapeta dijimija dinena dia bantu.

24 Ne biakalua ne kunyima kua Bena Lamana banyema, ngakafila dîyi katataka ne bumbusha bantu banyi bavua batapika mputa munkatshi mua bafua, ne ngakenzeja ne bôndopa mputa yabu.

25 Ne biakalua ne kuvua bantu nkama ibidi, ba ku bantu banyi binunu bibidi ne makumi asambombo, bavua bakuluka bajimija meji bua dijimija dia mashi; nansha nanku, bilondeshila ku buimpa bua Nzambi, kakuvua anyima nansha umua wabu kawakafua to, ne tuakakema bikola, ne musumba wetu wa basalayi mujima kabidi wakasanka; eyowa, kakuakadi kabidi muntu umua munkatshi muabu wakadi kayi mupeta mputa ya bungi to.

26 Ne mpindiewu, dibakuba diabu divua dikemesha kudi musumba wetu wa basalayi mujima, eyowa, kuepeleshibua kuabu musangu uvua bana betu tshinunu bashipibua. Ne tudi tubuelela ne bujalama kudi bukola bua tshishima bua Nzambi, bualu bua ditabuija diabu dipita mu bivuabu balongeshibua bua kuitabuija—ne kuvua Nzambi muakana, ne ewu yonsu uvua kayi wela mpata to, uvua ukubibua kudi bukola buenda bua tshishima.

27 Mpindiewu edi divua ditabuija dia aba bamvua ngamba; badi bikala bansonga, ne meji abu adi makamakana, ne badi bateka diba dionsu ditekemena diabu kudi Nzambi.

28 Ne mpindiewu biakalua ne kunyima kua tuetu bôndopa nanku bantu betu bavuabu batapa mputa, ne bajîka bafua betu ne bafua ba Bena Lamana kabidi, bavua bikala ba bungi, mona, tuakebeja Gidi bivua bitangila bena lukanu bavuabu babangisha bua kupueka nabu ku bulaba bua Zalahemela.

29 Mpindiewu Gidi uvua muikala kapita kanena ku mutu kua tshisumbu tshivuabu bateka bua kubalama tô ne ku bulaba.

30 Ne mpindiewu, eyi ki mêyi akangambila Gidi ne: Mona, tuakatuadija kupueka ku bulaba bua Zalahemela ne bena lukanu betu. Ne biakalua tuakasambakena ne batentekedi ba misumba yetu ya basalayi, bavuabu batuma bua kutentekela tshitudilu tshia Bena Lamana.

31 Ne bakatuelela mbila, bamba ne—Monayi, misumba ya basalayi ya Bena Lamana idi ilua mitangila ku tshimenga tshia Kumeni; ne monayi, nebadiela kudibu, eyowa, ne nebabutula bantu betu.

32 Ne biakalua ne bena lukanu betu batuvua nabu bakumvua mbila yabu, yakabapesha dikima; ne bakatutombokela.

33 Ne biakalua ne bua bualu bua buntomboji buabu, tuakenzeja ne tubatapa ne miela yetu ya mvita. Ne biakalua ne bakadiela ku miela yetu ya mvita mu tshisumbu tshimua, muakashipibua bungi bunena buabu; ne bavua bashala bakabafuka ne bakatunyema.

34 Ne monayi, pakanyemabu ne patuvua katuyi mua kubakuata to, tuakâsa luendu luetu ne lukasa batangila ku tshimenga tshia Kumeni; ne monayi, tuakafika pa diba bua kuambuluisha bana betu bua kukuba tshimenga.

35 Ne monayi, tudi kabidi bapatuishibua mu bianza bia bena lukuna betu. Ne dîna dia Nzambi wetu ndibeneshibua; bualu monayi, yeya ki udi mutupatuisha; eyowa, udi muenza tshintu tshinena etshi bualu buetu.

36 Mpindiewu biakalua ne mema, Helamana, pangakumvua mêyi a Gidi â, ngakuwla ntenta ne disanka dipita bua buimpa bua Nzambi bua ditukuba, bua katufu bonsu to; eyowa, ne ndi ne ditekemena ne anyima ya Bena Nefi bavua Bena Lamana bashipa idi mibuela mu dikisha dia Nzambi wabu.