1 Mpindiewu biakalua ne mu tshidimu tshia makumi asatu tshia dikôkesha dia balumbuluishi pa mutu pa bantu ba Nefi, kunyima kua Moloni mupeta ne mubala mukanda wa Helamana, wakasanka menamena bua diakalengela, eyowa, bua tshipeta tshimpa tshipita tshivua Helamana mupeta, ku diangata dia malaba avua majimina.

2 Eyowa, ne wakatshimanyisha kudi bantu benda bonsu, mu bulaba bonsu bua pa mpenga yonsu mu tshitupa tshivuaye atshi, bua basanka pabu.

3 Ne biakalua ne wakatuma mukanda katataka kudi Paholana, ujinga ne enzeja bantu bua badisangisha pamua bua kukolesha Helamana, anyi misumba ya basalayi ya Helamana, bua ne ikala mua kulama ne luteketa tshitupa tshia bulaba atshi tshivuaye mulubuluka mu dikema bua kuangata kabidi.

4 Ne biakalua ne pakatuma Moloni mukanda ewu ku bulaba bua Zalahemela, wakabanga kulongolola kabidi dilongolola bua angata tshishadi tshia malaba ne bimenga bivua Bena Lamana babanyenga.

5 Ne biakalua ne pavua Moloni udilongolola nanku bua kuya kuluisha Bena Lamana, monayi, Bena Lamana bakabunda bantu ba Nefiha, bavua badisangisha pamua bafumina ku tshimenga tshia Moloni, ne ku tshimenga tshia Lehi ne ku tshimenga tshia Moliantona.

6 Eyowa, mena aba bavua benzejibua ku bukola bua kunyema bulaba bua Manti, ne bulaba bua ku mpenga yabu yonsu, bavua balua ne bavua badisangisha kudi Bena Lamana mu tshitupa etshi tshia bulaba.

7 Ne nanku bualu bavua bikala ba bungi menamena, eyowa, ne bualu bavua bapeta makanda ku dituku ne ku dituku, ku dituma dia dîyi dia Amolona bakalua kubunda bantu ba Nefiha, ne bakabanga kubashipa ne dishibeya dikola menamena.

8 Ne misumba yabu ya basalayi ivua mipita bungi bua ne tshishadi tshia bantu ba Nefiha tshivua ne tshia kunyema kumpala kuayi; ne bakalua mena ne bakadisangisha kudi musumba wa basalayi wa Moloni.

9 Ne mpindiewu bualu uvua Moloni mutshinka ne nebatuma bantu ku tshimenga tshia Nefiha, bua kuambuluisha bantu bua kukuba tshimenga etshi, ne bualu uvua mumanya ne bivua biteketa bua kulama tshimenga bua katshiponyi mu bianza bia Bena Lamana bipita bua kutshiangatulula kudibu, wakatshinka ne nebakuba tshimenga etshi kakuyi mpaji to.

10 Bua nanku wakalama tshisumbu tshienda tshia basalayi tshionsu bua kukuba miaba ivuaye muangatulula ayi.

11 Ne mpindiewu, pakamona Moloni ne tshimenga tshia Nefiha tshivua tshijimina uvua ne kanyinganyinga menamena, ne wakabanga kudiebeja, bua bubi bua bantu, ne kabakupona mu bianza bia bana babu to.

12 Mpindiewu bivua bia momumua bua tupita tuenda tunena tonsu. Tuvua patu tudiebeja ne tukema bua bubi bua bantu, ne ebi bua bua dibatshimuna dia Bena Lamana.

13 Ne biakalua ne Moloni wakafîkila bantu bavua mu bukalenga tshiji, bua dipanga diabu dia kutangila bidi batangila budishikaminyi bua ditunga diabu.