1 Ne mpindiewu biakalua ne Alama wakafuma ku bulaba bua Gideona, kunyima kua mumana kulongesha bantu ba Gideona bintu bia bungi bidi kabiyi mua kufundibua to, muikala mushikika bulongolodi mu ekelezia, bilondeshila bu muvuaye muenza kumpala mu bulaba bua Zalahemela, eyowa, wakapingana ku nzubu wenda ku Zalahemela bua kuikishaye ku midimu ivuaye muenza.

2 Ne ki muakajika tshidimu tshia tshitema tshia dikôkesha dia balumbuluishi pa mutu pa bantu ba Nefi nanku.

3 Ne biakalua ne ku ntuadijilu wa tshidimu tshia dikumi tshia dikôkesha dia balumbuluishi pa mutu pa bantu ba Nefi ne, Alama wakumbuka ku ne wakâsa luendu luenda kuya ku bulaba bua Meleke, kudi ku wesete kua musulu wa Sidona, ku wesete pabuipi ne mikalu ya tshipela.

4 Ne bakabanga kulongesha bantu mu bulaba bua Meleke bilondeshila ku mulongu wa tshijila wa Nzambi, kuvuaye mubikidibua; ne wakabanga kulongesha bantu mu bulaba bonsu bua Meleke.

5 Ne biakalua ne bantu bakalua kudiye ku mikalu yonsu ya bulaba buvua ku luseka lua tshipela. Ne bakatambuishibua mu bulaba bonsu;

6 Mu mushindu ne pakajikijaye mudimu wenda ku Meleke wakumbuka mu, ne wakenza luendu matuku asatu ku node kua bulaba bua Meleke; ne wakafika ku tshimenga tshivuabu babikila ne Amoniha.

7 Mpindiewu tshivua tshilela tshia bantu ba Nefi bua kubikila malaba abu, ne bimenga biabu, ne misoku yabu, eyowa, mena ne misoku yabu mikesa yonsu mu dîna dia wakasamu kumpala; ne ki muvuabi nanku ne bulaba bua Amoniha.

8 Ne biakalua ne pakalua Alama ku tshimenga tshia Amoniha wakabanga kubayisha dîyi dia Nzambi.

9 Mpindiewu Satana uvua mukuata mitshima ya bantu ba mu tshimenga tshia Amoniha bikola; bua nanku bakabenga kuteleja mêyi a Alama.

10 Nansha nanku Alama wakatumika mudimu bikola mu nyuma, uluangana ne Nzambi mu disambila dia bukitu, bua upumuna Nyuma wenda pa mutu pa bantu bavua mu tshimenga; bua anyisha kabidi abatambuisha bua dikudimuna dia dia mitshima.

11 Nansha nanku, bakapapisha mitshima yabu, bamuambila ne: Mona, tudi bamanya ne udi Alama; ne tudi bamanya ne udi muakuidi munena ku mutu kua ekelezia uwudi mushikika mu bitupa bia bungi bia bulaba, bilondeshila ku ngikadilu weba; ne katuena bena mu ekelezia weba to, ne katuena tuitabuija ngikadilu misenji nanku to.

12 Ne mpindiewu tudi bamanya ne bualu katuena bena mu ekelezia weba to tudi bamanya ne kuena ne bukôkeshi kutudi to; ne uvua mufila nkuasa wa tshilumbuluilu kudi Nefiha; bua nanku kuena mulumbuluishi munena kutudi to.

13 Mpindiewu pakamba bantu nanku awu, ne pakabengabu mêyi enda onsu, ne pakamupendabu, ne pakamutuilabu mata, ne pakenzabu ne ipatshibua mu tshimenga tshiabu, wakumbuka ku ne wakâsa luendu luenda mutangila ku tshimenga tshivua tshibikidibua ne Alona.

14 Ne biakalua ne patshivuaye wenza ku luendu, mutondeshibua ne kanyinganyinga, mupututuka mu mpaji ya bungi ne dipampakana dia anyima, bua bualu bua bubi bua bantu bavua mu tshimenga tshia Amoniha, biakalua ne patshivua Alama mutondeshibua ne kanyinganyinga nanku awu, monayi muanjelu wa Mukalenga wakamumuenekela, wamba ne:

15 Udi mubeneshibua, Alama; bua nanku, ambulula mutu weba ne sanguluka, bualu udi ne tshia kusangulukila; bualu uvua ne lulamatu mu dilama mikenji ya Nzambi kumbukila ku tshikondu tshiwakapeta mukenji weba wa diambedi wa kumbukila kudiye. Mona, mmema wakakupeshawu.

16 Ne mona, ndi mutumibua bua kukupesha mukenji bua kupingana ku tshimenga tshia Amoniha, ne kuyisha kabidi bantu ba mu tshimenga; eyowa, bayisha. Eyowa, ubambila ne, Mukalenga Nzambi neababutula, pa kumbusha bobu bakudimuna mutshima.

17 Bualu mona, badi belangana meji diba edi bua banyangakaja budishikaminyi bua bantu beba, (bualu Mukalenga udi wamba nanku) bidi bishilangana ku mikandu ne mêyi, ne mikenji bivuaye mupesha bantu benda.

18 Mpindiewu biakalua ne kunyima kua Alama mupeta mukenji wenda kudi muanjelu wa Mukalenga wakapingana lukasa ku bulaba bua Amoniha. Ne wakabuela mu tshimenga ku njila mukuabu, eyowa, ku njila udi sude kua tshimenga tshia Amoniha.

19 Ne pavuaye ubuela mu tshimenga wakumvua nzala, ne wakambila muntu ne: Udi bua kupesha musadidi mudipuekeshi wa Nzambi tshiakudia anyi?

20 Ne muntu ewu wakamuambila ne: Ndi muena Nefi, ne ndi mumanya ne udi muambi munsantu wa Nzambi, bualu udi muntu uvua muanjelu mungambila mu tshimônyi ne: Neumuakidila. Bua nanku, luaku nanyi mu nzubu muanyi ne nenkupesha bimua bia biakudia bianyi; ne ndi mumanya ne newikala dibenesha kundi ne nzubu wanyi.

21 Ne biakalua ne muntu ewu wakamuakidila mu nzubu muenda; ne muntu ewu uvua ubikidibua ne Amuleke; ne wakalua ne diampa ne munyinyi ne wakabiteka kumpala kua Alama.

22 Ne biakalua ne Alama wakadia diampa ne wakûta; ne wakabenesha Amuleke ne nzubu wenda, ne wakela Nzambi tuasakidila.

23 Ne kunyima kua kudia ne kûkuta wakambila Amuleke ne: Ndi Alama, ne ndi muakuidi munena ku mutu kua ekelezia wa Nzambi mu bulaba bonsu.

24 Ne mona, mvua mubikidibua bua kuyisha dîyi dia Nzambi munkatshi mua bantu bonsu aba, bilondeshila ku nyuma wa dibuluila ne buambi; ne mvua mu bulaba ebu ne bakabenga kungakidila to, kadi bakangipata ne mvua pabuipi ne kuela bulaba ebu nyima wanyi bua kashidi.

25 Kadi mona, mvua mupeshibua mukenji ne mpingana ne ngamba ku Nyuma kudi bantu aba, eyowa, ne njadikila bantu bitangila malu mabi abu.

26 Ne mpindiewu, Amuleke, bualu uvua mundisha ne muaba wa kulala, udi mubeneshibua; bualu mvua ne nzala, bualu mvua mujila matuku a bungi.

27 Ne Alama wakashala ne Amuleke matuku a bungi kumpala kua kubangaye kuyisha bantu.

28 Ne biakalua ne bantu bakabipa bikola mu malu mabi abu.

29 Ne dîyi diakalua kudi Alama, diamba ne: Ndâku; ne ambila kabidi musadidi wanyi Amuleke ne, ndâku ne amba ku Nyuma kudi bantu, wamba ne—Kudimunayi mutshima, bualu Mukalenga udi wamba ne, nenkukumbula bantu aba mu tshiji tshianyi, eyowa, ne ntshiakukudimuna tshiji tshianyi tshikola to, pa kumbusha nuenu bakudimuna mutshima.

30 Ne Alama wakaya, ne Amuleke penda, munkatshi mua bantu, bua kubamanyisha mêyi a Nzambi; ne bakuwula ne Nyuma wa Tshijila.

31 Ne Nzambi uvua mubapesha bukola, mua ne kabavua mua kubakangila mu nzubu mîdima to; anyi muntu kavua mua kubashipa to; nansha nanku kabakenzela bukola buabu to amu pakabasuikabu mionji tô ne pakabelabu mu lukanu. Mpindiewu, biakenzeka nanku bua Mukalenga amona mua kuleja bukola buenda ku njila wabu.

32 Ne biakalua ne bakaya ne bakabanga kuyisha ne kuamba ku Nyuma kudi bantu, bilondeshila ku nyuma ne bukola buvua Mukalenga mubapesha.