Alima

Imibhalo Lengcwele

INcwadzi yaMormon

Sendvulelo naboFakazi
1 Nefi
2 Nefi
Jakobe
Enoshi
Jaromu
Omini
EmaVi aMormon
Mosiya
Alima
Hilamani
3 Nefi
4 Nefi
Mormon
Etheri
Moroni
Sicondziso seNkhomba eNcwadzini yaMormon

Alima

Sehluko 1
Nehori ufundzisa timfundziso letingemanga, umisa libandla, ucalisa buphristi-mbumbulu, futsi ubulala Gideyoni—Nehori ubulawela emacala akhe—Buphristi-mbumbulu kanye nekuhlushwa kuyandza emkhatsini webantfu—Baphristi batondla bona, bantfu banakekela labamphofu, liBandla liyaphumelela. Cishe ngemnyaka wa 91 kuya kuwa 88 ngaphambi kwekutalwa kwaKhristu.
Sehluko 2
Amilisayi ufuna kuba yinkhosi futsi uyalahlwa ngelivi lebantfu—Balandzeli bakhe bamenta inkhosi—Ema-Amilisayi alwa nemaNefi futsi ayehlulwa—EmaLamani kanye nema-Amilisayi ahlanganisa emabutfo futsi ayehlulwa—Alima ubulala Amilisayi. Cishe ngemnyaka wa 87 ngaphambi kwekutalwa kwaKhristu.
Sehluko 3
Ema-Amilisayi abesekatibeke luphawu ngekwelivi lesiphrofetho—EmaLamani abesekacalikisiwe ngekuhlubuka kwawo—Bantfu batiletsela ticalekiso tabo lucobo etikwabo—EmaNefi ehlula lelinye libutfo lemaLamani. Cishe ngemnyaka wa 87 kuya kuwa 86 ngaphambi kwekutalwa kwaKhristu.
Sehluko 4
Alima ubhabhatisa tinkhulungwane talabaphendvukako—Bubi bungena ebandleni, futsi inchubekela phambili yeliBandla iyavimbeka—Nefiha ubekwa kutsi abengumehluleli lomkhulu—Alima, njengemphristi lomkhulu, utinikela ebufundisini. Cishe ngemnyaka wa 86 kuya kuwa 83 ngaphambi kwekutalwa kwa Khristu.
Sehluko 5
Kute batfole insindziso, bantfu kufanele baphendvuke futsi bagcine imiyaleto, batalwe kabusha, bahlante tingubo tabo engatini yaKhristu, batfobeke futsi batihlubule ekutikhukhumeteni kanye nesekuhawukeleni, bente imisebenti yekulunga—uMelusi loLungile ubita bantfu Bakhe. Labo labenta imisebenti yebubi babantfwana badeveli—Alima ufakaza ngeliciniso lemfundziso yakhe futsi uyaleta bantfu kutsi baphendvuke—Emagama alabalungile atawubhalwa encwadzini yekuphila. Cishe ngemnyaka wa 83 ngaphambi kwekutalwa kwaKhristu.
Sehluko 6
Libandla eZarahemla liyahlantwa futsi liyahlelwa—Alima uya eGideyoni kuyoshumayela. Cishe ngemnyaka wa 83 ngaphambi kwekutalwa kwaKhristu.
Sehluko 7
Khristu utawutalwa nguMariya—Utawucekisa tibopho tekufa futsi atfwale tono tebantfu Bakhe—Labo labaphendvukako, lababhajatiswako, futsi labagcina imiyaleto batawuba nekuphila lokuphakadze—Kungcola ngeke kulidle lifa lembuso waNkulunkulu—Kutitfoba, lukholo, litsemba kanye nelutsandvo kuyadzingeka. Cishe ngemnyaka wa 83 ngaphambi kwekutalwa kwaKhristu.
Sehluko 8
Alima uyashumayela futsi ubhabhatisa eMelekhi—Uyalahlwa e-Amoniha futsi uyashiya—Ingilosi imyaleta kutsi abuyele khona amemetele kubantfu—Wemukelwa ngu-Amulekhi, futsi bobabili bayashumayela e-Amoniha. Cishe ngemnyaka wa 82 ngaphambi kwekutalwa kwaKhristu.
Sehluko 9
Alima uyaleta bantfu baka-Amoniha kutsi baphendvuke—INkhosi itawuba nemusa kumaLamani ngetinsuku tekugcina—Uma emaNefi ayakulahla kukhanya, atawubhujiswa ngemaLamani—INdvodzana yaNkulunkulu itawuta masinyane—Itawuhlenga labo labaphendvukako, babhajatiswe, futsi babe nelukholo egameni Layo. Cishe ngemnyaka wa 82 ngaphambi kwekutalwa kwaKhristu.
Sehluko 10
Lehi wentalelwane yaManase—Amulekhi ulandzisa ngemyaleto wengilosi wekutsi anakekele Alima—Imithandazo yalabalungile yenta bantfu basindziswe—Tatimtsetfo letingakalungi kanye nebehluleli babeka sisekelo sekubhujiswa kwebantfu. Cishe ngemnyaka wa 82 ngaphambi kwekutalwa kwaKhristu.
Sehluko 11
Luhlelo lwemali lwemaNefi luyachazwa—Amulekhi ubanga naZeziromu—Khristu akatubasindzisa bantfu labasetonweni tabo—Ngulabo labadla lifa lembuso welizulu kuphela labasindziswako—Bonkhe bantfu batawuvukela ekungabhubhini—Kute kufa emvakweKuvuka. Cishe ngemnyaka wa 82 ngaphambi kwekutalwa kwaKhristu.
Sehluko 12
Alima ukhuluma naZeziromu—Timfihlakalo taNkulunkulu tinganiketwa kuphela labatsembekile—Bantfu behlulelwa ngemicabango, ngetinkholelo, ngemavi, kanye nangemisebenti yabo—Lababi batawuva kufa ngekwamoya—Lemphilo yasemhlabeni isikhatsi sekulingwa—Lisu lekuhlengwa liletsa Kuvuka futsi, ngelukholo, nekutsetselelwa kwetono—Labaphendvukako bangawutfola umusa ngeNdvodzana leTelwe Yodvwa. Cishe ngemnyaka wa 82 ngaphambi kwekutalwa kwaKhristu.
Sehluko 13
Emadvodza abitwa kutsi abe baphristi labakhulu ngenca yelukholo lwawo lolukhulu kanye nemisebenti yawo lemihle—Ngenca yekwenta kulunga ayangcweliswa futsi angena ekuphumuleni kweNkhosi—Melkhisedeki bekangumunye walaba—Tingilosi timemetela tindzaba letitfokotisako eveni lonkhe—Titawumemetela kuta lokungiko kwaKhristu. Cishe ngemnyaka wa 82 ngaphambi kwekutalwa kwaKhristu.
Sehluko 14
Alima na-Amulekhi bayaboshwa baphindze bayashaywa—Emakholwa kanye nemibhalo yawo lengcwele ashiswa ngemlilo—Laba labafela lukholo bemukelwa yiNkhosi enkhatimulweni—Tindvonga telijele tiyachekeka futsi tiyawa—Alima kanye na-Amulekhi bayakhululwa, futsi laba lababahluphako bayabulawa. Cishe ngemnyaka wa 82 kuya kuwa 81 ngaphambi kwekutalwa kwaKhristu.
Sehluko 15
Alima kanye na-Amulekhi baya eSidomu futsi basungula libandla—Alima welapha Zeziromu, longenela liBandla—Labaningi bayabhajatiswa, neliBandla liyaphumelela—Alima na-Amulekhi baya eZarahemla. Cishe ngemnyaka wa 81 ngaphambi kwekutalwa kwaKhristu.
Sehluko 16
EmaLamani abulala bantfu baka-Amoniha—Zoramu uholela emaNefi ekuncobeni emaLamani—Alima na-Amulekhi kanye nalabanye labaningi bashumayela livi—Bafundzisa kutsi emvakweKuvuka Kwakhe Khristu uyawuvela kumaNefi. Cishe ngemnyaka wa 81 kuya kuwa 77 ngaphambi kwekutalwa kwaKhristu.
Sehluko 17
Emadvodzana aMosiya anemoya wekuphrofetha kanye newekwembulelwa—Ahamba tindlela tawo letehlukene kuyawumemetela livi kumaLamani—Amoni uya eveni la-Ishmayeli futsi uba yinceku yeNkhosi Lamonayi—Amoni usindzisa imfuyo yenkhosi futsi ubulala titsa tayo emantini aseSebhas. Emavesi 1–3, cishe ngemnyaka wa 77 ngaphambi kwekutalwa kwaKhristu; livesi 4, cishe ngemnyaka wa 91 kuya kuwa 77 ngaphambi kwekutalwa kwaKhristu; kanye nemavesi 5–39, cishe ngemnyaka wa 91 ngaphambi kwekutalwa kwaKhristu.
Sehluko 18
INkhosi Lamonayi icabanga kutsi Amoni unguMoya loMkhulu—Amoni ufundzisa inkhosi ngeNdalo, ngekusebenta kwaNkulunkulu kubantfu, kanye nangekukhululwa lokuta ngaKhristu—Lamonayi uyakholwa futsi uwela phansi shengatsi ufile. Cishe ngemnyaka wa 90 ngaphambi kwekutalwa kwaKhristu.
Sehluko 19
Lamonayi utfola kukhanya kwekuphila lokuphakadze futsi ubona uMhlengi—Indlu yakhe iyaculeka futsi labaningi babona tingilosi—Amoni uyalondvolotwa ngalokumangalisako—Ubhabhatisa labaningi futsi umisa libandla emkhatsini wabo. Cishe ngemnyaka wa 90 ngaphambi kwekutalwa kwaKhristu.
Sehluko 20
INkhosi itfumela Amoni eMidonayi kutsi ayokhulula bomnakabo lababoshiwe—Amoni kanye naLamonayi bahlangana neyise waLamonayi, loyinkhosi eveni lonkhe—Amoni uphocelela inkhosi lendzala kutsi ivume kukhululwa kwabomnakabo. Cishe ngemnyaka wa 90 ngaphambi kwekutalwa kwaKhristu.
Sehluko 21
Aroni ufundzisa ema-Amaleki ngaKhristu kanye nangeNhlawulo Yakhe—Aroni kanye nabomnakabo bayaboshwa eMidonayi—Emvakwekukhululwa kwabo, bafundzisa emasinagogeni futsi benta labaningi baphendvuke—Lamonayi uvumela inkhululeko yenkholo kubantfu eveni la-Ishmayeli. Cishe ngemnyaka wa 90 kuya kuwa 77 ngaphambi kwekutalwa kwaKhristu.
Sehluko 22
Aroni ufundzisa uyise waLamonayi ngeNdalo, kuwa kwa-Adamu, kanye nangelisu lekukhululwa nguKhristu—Inkhosi kanye nendlu yayo yonkhe bayaphendvuka—Kuhlukana kwelive emkhatsini kwemaNefi kanye nemaLamani kuyachazwa. Cishe ngemnyaka wa 90 kuya kuwa 77 ngaphambi kwekutalwa kwaKhristu.
Sehluko 23
Inkhululeko yenkholo iyamenyetelwa—EmaLamani lasemaveni kanye nasemadolobheni lasikhombisa ayaphendvuka—Atibita ngema-Anthi-Nefi-Lehi futsi sicalekiso siyesuswa kuwo—Ema-Amaleki kanye nema-Amuloni ayalilahla liciniso. Cishe ngemnyaka wa 90 kuya kuwa 77 ngaphambi kwekutalwa kwaKhristu.
Sehluko 24
EmaLamani alwa nebantfu baNkulunkulu—Ema-Anthi-Nefi-Lehi atfokota kuKhristu futsi avakashelwa tingilosi—Bakhetsa kumelana nekufa kunekutsi bativikele—EmaLamani lamaningi ayaphendvuka. Cishe ngemnyaka wa 90 kuya kuwa 77 ngaphambi kwekutalwa kwaKhristu.
Sehluko 25
Budlova bemaLamani buyandza—Intalelwane yebaphristi baNowa iyabhubha njengoba Abinadi aphrofetha—EmaLamani lamaningi ayaphendvuka futsi ahlangana nebantfu bema-Anthi-Nefi-Lehi—Bakholwa kuKhristu futsi bagcina umtsetfo waMosi. Cishe ngemnyaka wa 90 kuya kuwa 77 ngaphambi kwekutalwa kwaKhristu.
Sehluko 26
Amoni utfokota eNkhosini—Labakholwako baciniswa yiNkhosi baphindze baniketwa lwati—Ngelukholo bantfu bangaletsa tinkhulungwane tebantfu ekuphendvukeni—Nkulunkulu unawo onkhe emandla futsi ucondza tonkhe tintfo. Cishe ngemnyaka wa 90 kuya kuwa 77 ngaphambi kwekutalwa kwaKhristu.
Sehluko 27
INkhosi iyaleta Amoni kutsi aholele bantfu baka-Anthi-Nefi-Lehi ekuphepheni—Ekuhlanganeni na-Alima, injabulo ya-Amoni icedza emandla akhe—EmaNefi aniketa ema-Anthi-Nefi-Lehi live laseJeshoni—Babitwa ngebantfu ba-Amoni. Cishe ngemnyaka wa 90 kuya kuwa 77 ngaphambi kwekutalwa kwaKhristu.
Sehluko 28
EmaLamani ayehlulwa emphini lenkhulu kakhulu—Emashumi etinkhulungwane ayabulawa—Lababi bayiswa esimeni selusizi lolungapheli; labalungile batfola injabulo lengapheli nanini. Cishe ngemnyaka wa 77 kuya kuwa 76 ngaphambi kwekutalwa kwaKhristu.
Sehluko 29
Alima ufisa kumemetela kuphendvuka ngenshisekelo yetingilosi—INkhosi inika tive tonkhe bafundzisi—Alima utfokota ngemsebenti weNkhosi kanye nemphumelelo ya-Amoni kanye nabomnakabo. Cishe ngemnyaka wa 76 ngaphambi kwekutalwa kwaKhristu.
Sehluko 30
Korihori, umphiki-Khristu, uhlekisa ngaKhristu, nangeNhlawulo, kanye nangamoya wekuphrofetha—Ufundzisa kutsi kute Nkulunkulu, kute kuwa kwemuntfu, asikho sijeziso sesono, nekutsi kute Khristu—Alima ufakaza ngekutsi Khristu utawuta nekutsi tonkhe tintfo tikhomba kutsi Nkulunkulu ukhona—Korihori ufuna sibonakaliso futsi ushaywa ngekuba simungulu—Develi uvele kuKorihori njengengilosi wamfundzisa kutsi atsini—Korihori ugcotjwa phansi futsi uyafa. Cishe ngemnyaka wa 76 kuya kuwa 74 ngaphambi kwekutalwa kwaKhristu.
Sehluko 31
Alima uhola umsebenti wekuyobuyisa emaZoramu lahlubukile—EmaZoramu ayamphika Khristu, akholelwa emcabangweni wekukhetfwa longemanga, futsi advumisa ngemithandazo lehleliwe—Bafundzisi bagcwaliswa ngaMoya loNgcwele—Tinhlupheko tabo tiyenganywa enjabulweni yaKhristu. Cishe ngemnyaka wa 74 ngaphambi kwekutalwa kwaKhristu.
Sehluko 32
Alima ufundzisa labamphofu labatfotjiswe tinhlupheko tabo—Lukholo kutsembela kuloko lokungabonwa lokuliciniso—Alima ufakaza kutsi tingilosi tifundzisa emadvodza, besifazane, kanye nebantfwana—Alima ucatsanisa livi nenhlanyelo—Kufanele lihlanyelwe futsi londliwe—Bese likhula liba sihlahla lekukhiwa kuso sitselo sekuphila lokuphakadze. Cishe ngemnyaka wa 74 ngaphambi kwekutalwa kwaKhristu.
Sehluko 33
Zenoshe wafundzisa kutsi bantfu kumele bathandaze futsi bakhonte kuto tonkhe tindzawo, nekutsi tehlulelo tiyesuswa ngenca yeNdvodzana—Zenokhi wafundzisa kutsi umusa unikwa ngenca yeNdvodzana—Mosi waphakamisa ehlane luphawu lweNdvodzana yaNkulunkulu. Cishe ngemnyaka wa 74 ngaphambi kwekutalwa kwaKhristu.
Sehluko 34
Amulekhi ufakaza kutsi livi lensindziso likuKhristu—Ngaphandle kwekutsi inhlawulo yentiwe, lonkhe luntfu kufanele lubhubhe—Wonkhe umtsetfo waMosi ukhomba kumhlatjelo weNdvodzana yaNkulunkulu—Lisu laphakadze lekuhlengwa lisekelwe elukholweni kanye nasekuphendvukeni—Thandazela tibusiso tesikhashana kanye netakamoya—Lemphilo lena sikhatsi sekutsi bantfu batilungiselele kuhlangana naNkulunkulu—Sebentelani kusindziswa kwenu ngekwesaba phambikwaNkulunkulu. Cishe ngemnyaka wa 74 ngaphambi kwekutalwa kwaKhristu.
Sehluko 35
Kushunyayelwa kwelivi kucedza bucili bemaZoramu—Bacosha labaphendvukako, lekutsi emvakwaloko batihlanganise nebantfu baka-Amoni eJeshoni—Alima uyadzabuka ngenca yebubi bebantfu. Cishe ngemnyaka wa 74 ngaphambi kwekutalwa kwaKhristu.
Sehluko 36
Alima ufakaza kuHilamani ngekuguculwa kwakhe emvakwekubona ingilosi—Weva buhlungu bemphefumulo lojezisiwe; wabita libito laJesu, futsi emvakwaloko wabese utalwa nguNkulunkulu—Injabulo lemnandzi yagcwalisa umphefumulo wakhe—Ubona ticuku tetingilosi tidvumisa Nkulunkulu—Labaningi labagucukile bavile futsi babona njengoba naye avile futsi wabona. Cishe ngemnyaka wa 74 ngaphambi kwekutalwa kwaKhritsu.
Sehluko 37
Bongcwengcwe belitfusi naleminye imibhalo lengcwele kuyagcinwa kute kuletse bantfu ensindzisweni—EmaJarede abhujiswa ngenca yebubi bawo—Tifungo kanye netivumelwano tawo letiyimfihlo kufanele kungavetwa ebantfwini—Tfolani seluleko eNkhosini ekwenteni kwenu konkhe—Njengoba iLiyahona yacondzisa emaNefi, kanjalo nelivi laKhristu liholela bantfu emphilweni yaphakadze. Cishe ngemnyaka wa74 ngaphambi kwekutalwa kwaKhristu.
Sehluko 38
Shibiloni wahlushwa ngenca yekulunga—Insindziso ikuKhristu, lokuphila kanye nekukhanya kwemhlaba—Fakani ematomu kuyo yonkhe imizwa yenu. Cishe ngemnyaka wa 74 ngaphambi kwekutalwa kwaKhristu
Sehluko 39
Sono sekulalana sisinengiso—Tono taKhoriyanthoni tavimbela emaZoramu ekumukeleni livi—Kuhlenga kwaKhristu kusebentile ngesikhatsi lesendlulile ekusindziseni labakholwako labebaphila kungakentiwa. Cishe ngemnyaka wa 74 ngaphambi kwekutalwa kwaKhristu.
Sehluko 40
Khristu ufeza kuvuka kwebantfu bonkhe—Labafile labalungile baya epharadisi kutsi lababi baye ebumnyameni lobungaphandle kute bayolindzela lusuku lwekuvuka—Tonkhe tintfo titawubuyiselwa esicwini sato lesifanele kanye nalesiphelele ngeKuvuka. Cishe ngemnyaka wa 74 ngaphambi kwekutalwa kwaKhristu.
Sehluko 41
EKuvukeni bantfu bavuka basesimeni senjabulo lengapheli noma lusizi lolungapheli—Bubi abukate nanini bube yinjabulo—Bantfu labanaka inyama bete Nkulunkulu emhlabeni—Wonkhe umuntfu eKubuyiselweni uyawuphindza atfole similo kanye nebunjalo bakhe labutfola asesemhlabeni. Cishe ngemnyaka wa 74 ngaphambi kwekutalwa kwa Khristu.
Sehluko 42
Kuba nemtimba lobhubhako sikhatsi sekuvivinywa lesivumela umuntfu kutsi aphendvuke futsi asebentele Nkulunkulu—Kuwa kwaletsa kufa kwenyama nekwekamoya kuwo wonkhe umuntfu—Kuhlengwa kuta ngekuphendvuka—Nkulunkulu Yena lucobo lwakhe uhlawulela tono temhlaba—Umusa walabo labaphendvukako—Bonkhe labanye bangaphansi kwekulunga kwaNkulunkulu—Umusa uta ngenca yeNhlawulo—Ngulabo labatisola ngekweliciniso labasindziswako. Cishe ngemnyaka wa 74 ngaphambi kwekutalwa kwaKhristu.
Sehluko 43
Alima kanye nemadvodzana akhe bashumayela livi—EmaZoramu kanye nalabanye labahlubukile bemaNefi baba ngemaLamani—EmaLamani alwa nemaNefi emphini—Moroni uhlomisa emaNefi ngetikhali tekutivikela—INkhosi yembulela Alima lisu lemaLamani—EmaNefi avikela emakhaya awo, inkhululeko yawo, imindeni yawo, kanye nenkholo yawo—Emabutfo aMoroni kanye naLehi atungeleta emaLamani. Cishe ngemnyaka wa 74 ngaphambi kwekutalwa kwaKhristu.
Sehluko 44
Moroni uyaleta emaLamani kutsi ente sivumelwano sekuthula noma babhujiswe—Zerahemna uyasala lesi siphakamiso, imphi iyacala futsi—Emabutfo aMoroni ayawancoba emaLamani. Cishe ngemnyaka wa 74 kuya kuwa 73 ngaphambi kwekutalwa kwaKhristu.
Sehluko 45
Hilamani uyawakholwa emavi a-Alima—Alima uphrofetha ngekubhujiswa kwemaNefi—Uyalibusisa uphindze uyalicalekisa live—Alima kungenteka kutsi watsatfwa nguMoya wenyuka, njengaMosi—Kuphikisana kuyandza eBandleni. Cishe ngemnyaka wa 73 ngaphambi kwekutalwa kwaKhristu.
Sehluko 46
Amalikhiya wenta lisu lekuba yiNkhosi—Moroni uphakamisa sibonakaliso senkhululeko—Uhlanganisa bantfu kutsi bavikele inkholo yabo—Labakholwa ngeliciniso babitwa ngemaKhristu—Insali yaJosefa iyolondvolotwa—Amalikhiya kanye nebahlubuki babalekela eveni laNefi—Labo labangeke bayisekele imigomo yenkhululeko bayabulawa. Cishe ngemnyaka wa73 kuya kuwa 72 ngaphambi kwekutalwa kwaKhristu.
Sehluko 47
Amalikhiya usebentisa inkhohliso, kubulala, kanye nemachinga kute abe yinkhosi yemaLamani—Emahlubuka emaNefi akhohlakele futsi anebudlova kwengca emaLamani. Cishe ngemnyaka wa 72 ngaphambi kwekutalwa kwaKhristu.
Sehluko 48
Amalikhiya uphehla emaLamani ngalokumelene nemaNefi—Moroni ulungiselela bantfu bakhe kutsi bavikele timiso temaKhristu—Utfokotela inkhululeko nekukhululeka futsi uyinceku lenemandla aNkulunkulu. Cishe ngemnyaka wa 72 ngaphambi kwekutalwa kwaKhristu.
Sehluko 49
EmaLamani lahlaselako akakhoni kutsatsa emadolobha lacinisiwe ase-Amoniha newakaNowa—Amalikhiya ucalekisa Nkulunkulu futsi uyafunga kutsi utawuyinatsa ingati yaMoroni—Hilamani kanye nabomnakabo bayachubeka nekucinisa liBandla. Cishe ngemnyaka wa 72 ngaphambi kwekutalwa kwaKhristu.
Sehluko 50
Moroni ucinisa emave emaNefi—Bakha emadolobha lamaningi lamasha—Timphi kanye nekubhujiswa kwehlela emaNefi ngemalanga ebubi kanye netinengiso tabo—Moriyanthoni kanye nemahlubuka akhe behlulwa nguThiyankham—Nefiha uyafa, futsi indvodzana yakhe Phahorani utsatsa sihlalo sekwehlulela. Cishe ngemnyaka wa 72 kuya kuwa 67 ngaphambi kwekutalwa kwaKhristu.
Sehluko 51
Bantfu benkhosi bafuna kushintja umtsetfo baphindze babeke inkhosi—Phahorani kanye nebantfu benkhululeko basekelwa livi lebantfu—Moroni uphocelela bantfu benkhosi kutsi bavikele live labo noma babulawe—Amalikhiya kanye nemaLamani batfumba labaningi emadolobheni lacinisiwe—Thiyankham udvudvula kuhlaselwa ngemaLamani futsi ubulala Amalikhiya ethendeni lakhe. Cishe ngemnyaka wa 67 kuya kuwa 66 ngaphambi kwekutalwa kwaKhristu.
Sehluko 52
Amoroni ulandzela Amalikhiya njengenkhosi yemaLamani—Moroni, Thiyankham, kanye naLehi bahola emaNefi emphini labancoba kuyo emaLamani—Lidolobha laMulekhi liphindze liyatsatfwa, naJakobe umZoramu uyabulawa. Cishe ngemnyaka wa 66 kuya kuwa 64 ngaphambi kwekutalwa kwaKhristu.
Sehluko 53
Tiboshwa temaLamani tisetjentiswa kucinisa lidolobha iNala—Kuphikisana emkhatsini wemaNefi kwenta kutsi emaLamani ancobe—Hilamani utsatsa sikhundla sekuba ngumekhuti wemajaha latinkhulungwane letimbili langemadvodzana ebantfu ba-Amoni. Cishe ngemnyaka wa 64 kuya kuwa 63 ngaphambi kwekutalwa kwaKhristu.
Sehluko 54
Amoroni naMoroni bacocisana ngekushintjiselana ngetiboshwa—Moroni ufuna kutsi emaLamani ahocise futsi ayekele kuhlasela kwawo ngekubulala—Amoroni ufuna kutsi emaNefi abeke phansi tikhali tawo bese aba ngephansi kwemaLamani. Cishe ngemnyaka wa 63 ngaphambi kwekutalwa kwaKhristu.
Sehluko 55
Moroni uyala kushintjisa ngetiboshwa—Bogadzi bemaLamani bahehwa ngekutsi badzakwe, netiboshwa temaNefi tiyakhululwa—Lidolobha laseGidi litsatfwa ngaphandle kwekucitsa ingati. Cishe ngemnyaka wa 63 kuya kuwa 62 ngaphambi kwekutalwa kwaKhristu.
Sehluko 56
Hilamani utfumela incwadzi kuMoroni, ulandzisa ngesimo semphi nemaLamani—Anthiphasi naHilamani bazuza kuncoba lokukhulu kumaLamani—Emajaha latinkhulungwane letimbili langemadvodzana aHilamani alwa ngemandla lamangalisako, futsi kute namunye kuwo lobulawako. Livesi 1, cishe ngemnyaka wa 62 ngaphambi kwekutalwa kwaKhristu; emavesi 2–19, cishe ngemnyaka wa 66 ngaphambi kwekutalwa kwaKhristu; nemavesi 20–57, cishe ngemnyaka wa 65 kuya kuwa 64 ngaphambi kwekutalwa kwaKhristu.
Sehluko 57
Hilamani ulandzisa ngekutsatfwa kwe-Anthiphara nekunikelwa kanye nekuvikelwa kweKhumeni muva—Emajaha akhe ema-Amoni alwa ngesibindzi; onkhe ayalimala, kodvwa kute nalinye lelibulawako—Gidi ubika ngekubulawa kanye nekweca kwetiboshwa temaLamani. Cishe ngemnyaka wa 63 ngaphambi kwekutalwa kwaKhristu.
Sehluko 58
Hilamani, Gidi, kanye na Thiyomneri batsatsa lidolobha laseManti ngelicebo—EmaLamani ayahlehla—Emadvodzana ebantfu ba-Amoni ayalondvolotwa njengoba eme acinile ekuvikeleni inkhululeko kanye nelukholo lwawo. Cishe ngemnyaka wa 63 kuya kuwa 62 ngaphambi kwekutalwa kwaKhristu.
Sehuko 59
Moroni ucela Phahorani kutsi acinise emabutfo aHilamani—EmaLamani atsatsa lidolobha laNefiha—Moroni uwutfukutselele umbuso. Cishe ngemnyaka wa 62 ngaphambi kwekutalwa kwaKhristu.
Sehluko 60
Moroni ukhonona kuPhahorani ngekunganakekelwa kwemabutfo ngumbuso—INkhosi ivumela labalungile kutsi babulawe—EmaNefi kufanele asebentise emandla awo kanye netindlela tawo tonkhe kute atikhulule etitseni tawo—Moroni uhlongota kulwa nembuso ngaphandle emabutfo akhe aniketwe lusito. Cishe ngemnyaka wa 62 ngaphambi kwekutalwa kwaKhristu.
Sehluko 61
Phahorani utjela Moroni ngekulwa kanye nekuvukela umbuso—Bantfu benkhosi batsatsa iZarahemla baphindze bahlangana nemaLamani—Phahorani ucela lusito lwemasotja ngalokumelene nemavukelambuso. Cishe ngemnyaka wa 62 ngaphambi kwekutalwa kwaKhristu.
Sehluko 62
Moroni uyahamba uyawuniketa lusito kuPhahorani eveni laGideyoni—Bantfu benkhosi labangafuni kuvikela live labo bayabulawa—Phahorani kanye naMoroni baphindze bayayitsatsa iNefiha—EmaLamani lamaningi ahlangana nebantfu ba-Amoni—Thiyankham ubulala Amoroni futsi naye ngalokunjalo uyabulawa—EmaLamani ayakhishwa eveni, futsi kumiswa kuthula—Hilamani ubuyela ebufundisini uphindze wakha liBandla. Cishe ngemnyaka wa 62 kuya kuwa 57 ngaphambi kwekutalwa kwaKhristu.
Sehluko 63
Shibiloni naHilamani muva batsatsa imibhalo lengcwele iba ngeyabo—EmaNefi lamaningi ahamba aya eveni lelingasenyakatfo—Hagothi wakha imikhumbi, lehamba elwandle lolusenshonalanga—Moroniha wehlula emaLamani emphini, Cishe ngemnyaka wa 56 kuya kuwa 52 ngaphambi kwekutalwa kwaKhristu.

Print

Include highlights and underlines

Sign in to use

Include footnotes