“Nefi na Mabamba ya Shaba,” Hadithi za Kitabu cha Mormoni (2023)
Nefi anapata Mabamba ya Shaba
Kujifunza kumfuata Roho
Lamani, Lemueli, Samu na Nefi walirudi Yerusalemu usiku. Nefi alikwenda nyumbani kwa Labani wakati kaka zake wakiwa wamejificha nje ya jiji.
Nefi alimruhusu Roho amuongoze. Hakujua alipaswa kufanya nini, lakini alijua Bwana atamsaidia kupata mabamba ya shaba.
Lehi alipokaribia nyumba ya Labani alimkuta Labani akiwa chini ardhini. Labani alikuwa amelewa. Nefi aliuona upanga wa Labani na kuuchukua.
Nefi alipoangalia upanga, Roho alimwambia amwue Labani. Lakini Nefi hakutaka kumuua. Roho alimwambia Nefi kwamba ilikuwa vyema kwa Labani kufa kuliko kwa familia ya Nefi kutokuwa na maandiko. Walihitaji amri za Mungu ambazo ziliandikwa kwenye mabamba ya shaba.
Nefi alijua kwamba Labani alikuwa amejaribu kumuua. Labani pia aliwahi kuiba mali zao na hangetii amri za Mungu.
Roho akamwambia Nefi tena amwue Labani. Nefi alijua Bwana ametayarisha njia kwa ajili yake kuyapata mabamba ya shaba. Alichagua kumtii Roho. Nefi alimwua Labani na kuvaa mavazi ya Labani.
Nefi kisha alikwenda kwenye hazina ya Labani na alimkuta mtumishi wa Labani Zoramu. Nefi aliigiza na alisema kama Labani.
Nefi alimwambia Zoramu alihitaji mabamba ya shaba. Kisha Nefi alimwambia Zoramu amfuate. Zoramu alifikiri Nefi alikuwa Labani, hivyo alifanya kile Nefi alichotaka.
Nefi na Zoramu walipotoka nje ya jiji, Lamani, Lemueli, na Samu walifikiri Nefi alikuwa Labani. Waliogopa na walianza kukimbia.
Nefi aliwaita kaka zake. Walipojua alikuwa Nefi waliacha kukimbia. Lakini kisha Zoramu akawa mwoga na alijaribu kurudi Yerusalemu.
Nefi alimsimamisha Zoramu Alimwambia Zoramu kwamba Bwana amewaamuru kuchukua mabamba. Alimtaka Zoranu kwenda pamoja nao kwenye nchi ya ahadi. Zoramu alijua kwamba angeweza kuwa mtu huru, sio mtumishi, na aliahidi kwenda pamoja na Nefi na familia yake.
Walisafiri kurudi kwa Lehi na Saria. Lehi na Saria walifurahi sana kuwaona wana wao. Saria alikuwa amefikiria wanawe walikuwa wamekufa. Kwa sababu Bwana alikuwa amewaweka wanawe salama, sasa aliamini kwamba familia yao imeamriwa kuondoka Yerusalemu. Familia ya Lehi na Saria.ilitoa dhabihu ili kumshukuru Bwana.
Lehi akisoma mabamba ya shaba. Aliona kwamba mabamba yalikuwa na mafundisho ya manabii. Pia alijua kwamba mmoja wa mababu zake alikuwa Yusufu ambaye aliuzwa Misri na kaka zake zamani sana. Lehi alijua mabamba ya shaba yalikuwa ya muhimu sana. Alijua Bwana alitaka familia yake kuwa na hizo amri.