“Imani ya Malkia,” Hadithi za Kitabu cha Mormoni (2023)
“Imani ya Malkia,” Hadithi za Kitabu cha Mormoni
Imani ya Malkia
Kupata Shangwe katika Yesu Kristo
Malkia Mlamani alitawala pamoja na mume wake, Mfalme Lamoni. Mfalme alimwomba Mnefi aliyeitwa Amoni kumfundisha kuhusu Bwana. Mfalme aliamini kile Amoni alichomwambia. Mfalme alipiga magoti kusali na alimwomba Bwana amsamehe. Alipokuwa anasali, mfalme alianguka ardhini. Ilionekana kana kwamba alikuwa amekufa.
Watumishi wa mfalme walimpeleka kwa malkia. Walimlaza kwenye kitanda chake Alilala pale na hakusogea kwa siku mbili mchana na usiku.
Wakati ule, malkia na watoto wake walikuwa na huzuni sana. Walikaa na mfalme na walimlilia. Baadhi ya watu walisema mfalme anapaswa kuzikwa. Lakini malkia alitaka kuzungumza na Amoni kwanza. Alisikia kwamba alikuwa na nguvu za Mungu. Watumishi wa malkia walimwomba Amoni kwenda kwa malkia.
Malkia alimwambia Amoni kuwa alisikia ya kuwa yeye alikuwa nabii wa Mungu. Alimwomba Amoni kwenda kumwona mfalme Amoni alijua mfalme alikuwa hai. Ilikuwa ni nguvu ya Mungu, ambayo ilisababisha mfalme alale. Amoni alimwambia malkia kwamba mume wake ataamka siku inayofuata.
Malkia alimwamini Amoni na alikuwa na imani kubwa katika Mungu. Aliiamini mume wake ataamka siku ifuatayo. Amoni alisema alibarikiwa kwa sababu ya imani yake kubwa. Alimwambia malkia alikuwa na imani zaidi kuliko waliyokuwa nayo watu wake mwenyewe. Malkia alikaa karibu na akamtunza mume wake usiku kucha.
Siku iliyofuata, mfalme aliamka. Alimwambia malkia kwamba amemwona Yesu Kristo. Malkia na mfalme walijua kiasi gani Yesu aliwapenda, na walijawa na shangwe.