“Mti wa Uzima,” Hadithi za Kitabu cha Mormoni (2023)
“Mti wa Uzima,” Hadithi za Kitabu cha Mormoni
Mti wa Uzima
Ndoto ya Lehi yenye mwongozo wa kiungu
Usiku mmoja, Lehi alipata ndoto kutoka kwa Bwana. Aliwaambia familia yake kuhusu ndoto hiyo.
Katika ndoto yake, Lehi alimwona mtu akiwa katika joho jeupe. Mtu yule almwambia Lehi amfuate.
Lehi aliona kwamba alikuwa gizani na mahali palipo wazi. Walitembea kwa masaa mengi. Lakini giza halikutoka. Hatimaye, Nefi alisali kwa ajili ya msaada.
Lehi alipomaliza kusali aliona uwanja mkubwa. Katika uwanja ule kulikuwa na mti wenye tunda jeupe. Lehi alifikiri tunda lile litamfanya awe na furaha, kwa hiyo akala lile tunda. Nafsi yake ilijawa na furaha.
Tunda lilikuwa na ladha mzuri zaidi kuliko tunda lingine lolote. Lilikuwa tamu na la kupendeza sana. Lehi alitaka kushiriki tunda lile na familia yake. Alijua litawafanya pia wawe na furaha. Lehi aliwaona Saria, Samu, na Nefi wakisimama karibu na mto. Walionekana wamepotea. Lehi aliwaita kwa sauti kubwa. Aliwaomba waje na kula tunda.
Saria, Samu, na Nefi walikuja kwenye mti na walikula lile tunda. Lehi, aliwatafuta Lamani na Lemueli. Aliwataka nao pia wafurahie lile tunda. Lakini hawakutaka kuja kula tunda.
Kisha Lehi aliona njia pamoja na fimbo ya chuma ambayo iliongoza kwenye mti. Aliwaona watu wengi wakitembea kwenye njia ile. Ghafla, giza nzito likaja. Giza lilifanya iwe vigumu kuona. Njia ya pekee kufika kwenye mti ilikuwa kushikilia kwenye fimbo ya chuma.
Baadhi ya watu waliacha njia na kupotea. Wengine walishikilia kwa nguvu fimbo ya chuma na wakasonga.mbele.
Walipofika kwenye mti, walikula tunda.
Lehi alitazama juu na aliona jengo kubwa lililojazwa na watu wengi. Waliwafanyia mzaha watu waliokula tunda. Baadhi ya wale ambao walikula tunda walijsikia vibaya wakati wengine wakiwacheka, kwa hiyo waliondoka kwenye ule mti Walizurura mbali na wakapotea.
Katika ndoto yake, Lehi aliona watu zaidi walioshikilia kwa nguvu fimbo ya chuma. Walisonga mbele hatua kwa hatua mpaka walipofika kwenye mti. Kisha walipiga magoti kwenye mti na wakala tunda. Hawakuwasikiliza watu katika lile jengo. Walichagua kubaki kwenye mti.
Lehi alipoamka, alikuwa na wasiwasi kuhusu Lamani na Lemueli. Katika ndoto yake wao hawakula tunda. Lehi aliwapenda Lamani na Lemueli. Alitumaini watabaki karibu na Bwana. Aliwaalika kutii amri za Mungu.