2 Nefi 4–5

Makao Mapya Katika Nchi ya Ahadi

Wanefi na Walamani

Familia ya Lehi na Saria iliendelea kukua katika nchi ya ahadi. Watoto wao wakawa na watoto wao wenyewe. Lehi alikuwa akizeeka. Kabla hajafa, alitoa baraka kwa watu katika familia yake. Aliwaambia kwamba watakapotii amri za Mungu, Bwana angewasaidia.

2 Nefi 4:3–12

Baada ya Lehi kufa, Nefi aliwaongoza watu. Aliwaambia wamtii Bwana. Lamani na Lemueli walikuwa na hasira mno. Walitaka kumuua Nefi ili waweze kuongoza badala yake.

2 Nefi 4:13; 5:1–4

Bwana alimwamuru Nefi kuondoka na familia yake na mtu mwingine ye yote aliyetaka kumfuata Bwana. Walisafiri kwa siku nyingi na kupata eneo jipya la kuishi.

2 Nefi 5:1, 5–8

Wale waliokwenda na Nefi waliitwa Wanefi, na wale waliobaki waliitwa Walamani. Wanefi walimwomba Nefi awaongoze Walifanya kazi kwa bidii. Walilima, walifuga wanyama, na kujenga hekalu na majengo mengine. Makuhani na waalimu waliwafundisha kuhusu Bwana na watu walikuwa na furaha.

2 Nefi 5:9–11, 13–17, 26–27