Wase 10
Jekope kei Seremi
Ni bera ni qai mate o Nifai a solia na peleti ka volavola tiko kina kivua na tacina, o Jekope. Sa buladodonu ko Jekope.
A tukuna o Nifai vei Jekope me vola na veika ena vukei ira na tamata me ra na vakabauti Jisu Karisito kina.
A solia vei Jekope o Nifai na kaukauwa me bete e na Lotu ka vakatavulici ira na Nifai ena vosa ni Kalou.
Ni oti na mate nei Nifai e vuqa na Nifaiti era sa vuki me ra tamata ca. Sa vakavulici ira na tamata o Jekope ka kaya vei ira mera veivutunitaka na nodra caka cala era cakava tiko.
E dua na tamata ca ka vakatokai o Seremi e lako wavoki ena kedra maliwa na Nifaiti, ka vakavulica vei ira me ra kua ni vakabauti Jisu Karisito.
A tukuna vei ira na tamata ko Seremi ni sega ni dua na Karisito. E lewevuqa na tamata era vakabauti Seremi.
A vakatavulica vei ira na tamata o Jekope me ra vakabauti Karisito. A vinakata o Seremi me veiba vata kei Jekope, me rawa ni vakauqeti koya ni sa sega na Karisito.
Na nona vakabauti Jisu Karisito o Jekope a sega ni yavalati rawa. A sa raica na agilosi eso ka sa rogoca na domo ni Turaga. E kila ni na lako mai o Jisu.
A tikovata kei Jekope na Yalo Tabu ena nona wasea na nona ivakadinadina baleti Jisu Karisito vei Seremi.
A kerea o Seremi me raica e dua na ivakatakilakila. E vinakata o koya vei Jekope me vakadinadinataka ni dua tiko na Kalou. E vinakata me raica o koya e dua na cakacaka mana.
A sega ni vinakata o Jekope me kerea vua na Kalou e dua na ivakatakilakila. E kaya ni o Seremi sa kila oti tu ni veika a vakavulica o Jekope e dina.
E kaya o Jekope kevaka na tarai Seremi na Kalou, ena ivakatakilakila ni kaukauwa ni Kalou.
Sa lutu sara e ra o Seremi. E sega ni rawa ni tucake ena vica na siga.
E malumalumu sara vakalevu o Seremi ka kila ni na mate. A kacivi ira vata mai na tamata.
A kaya vei ira ni a lasu. A kaya vei ira me ra vakabauti Jisu Karisito.
Oti na nodra vosa vei ira na tamata o Seremi ea qai mate. A vakila na kaukauwa ni Kalou na tamata, ka ra sa bale sobu ki na qele.
E tekivu mera veivutuni na tamata ka ra tekivu wilika na ivolanikalou. Era a bula ena vakacegu kei na loloma. E marau ko Jekope ka kila ni sa sauma mai na Kalou na nona masu.