Wase 11

Inosi

O Inosi e luvei Jekope. A maroroya tiko na peleti ka volavola kina ena gauna sa mate kina o tamana.

Jekope 7:27

Ena dua na siga a lai vakasasa ko Inosi ena loma ni veikau. A nanuma na ivakavuvuli nei tamana ka vinakata me vosoti na nona ivalavala ca.

Inosi 1:3–4

Sa tekiduru o Inosi ka masu vua na Kalou. E a masu ena siga taucoko, ka masu tikoga ka sa bogi mai.

Inosi 1:4

A tukuna na Kalou vei Inosi ena vuku ni nona vakabauti Jisu Karisito, e sa vosoti kina na nona ivalavala ca.

Inosi 1:5, 8

A qai vinakata o Inosi vua na Turaga me vakalougatataki ira na Nifaiti . E a masulaki ira, ka qai kaya na Turaga ena vakalougatataki ira kevaka era talairawarawa ki na nona ivakaro.

Inosi 1:9–10

Sa vinakata talega o Inosi me vakalougatataki ira na Leimanaiti na Turaga . A masu ena vakabauta cecere, ka qai yalataka vei Inosi na Turaga ni na vakayacora na veika e kerea o koya.

Inosi 1:11–12

Dina ga ni ra vala ko ira na Leimanaiti kei ira na Nifaiti ka ra tovolea me ra vakarusa na nodra ivola tukutuku, a masulaka o Inosi me na yaco me ra tamata ivalavala dodonu.

Inosi 1:13–14

A masulaka o Inosi ni itukutuku ka maroroya voli o koya ena taqomaki. Sa yalataka tu na Turaga ni na dua na siga ena solia vei ira na Leimanaiti na ivakavuvuli ka volai tu ena ivolatukutuku.

Inosi 1:16

A vunau o Inosi vei ira na Nifaiti a vinakata o koya me ra vakabauta na Kalou ka talairawarawa ki na ivakaro.

Inosi 1:10, 19

Era tovolea na Nifaiti me ra vakavulica na kosipeli vei ira na Leimanaiti, ia era a sega ni via vakarorogo. Era cati ira na Nifaiti o ira na Leimanaiti.

Inosi 1:20

E a vakayagataka na nona bula o Inosi ena vakavulici ira na tamata baleti Jisu kei na kosipeli. E a qarava na Kalou ka lomani Koya ena nona bula taucoko.

Inosi 1:26–27