Wase 9
E dua na iTikotiko vou ena Vanua Yalataki
Na waqa e usana na matavuvale nei Liai ka takosova na wasawasa ka kele yani ki na vanua yalataki. Era tara na tamata na nodra vale laca.
Era vakarautaka na qele mera tea na sore ni kau era a kauta tu mai.
Ni ratou lako wavokita na nodratou vanua vou, e vuqa na veimataqali manumanu era tou kunea. Era tou kunea talega na koula, siliva, kei na kopa.
E tukuna na Kalou vei Nifai me ratou buli peleti kaukamea me ra volavola kina. E vola itukutuku-taka na nodratou vakamatavuvale kei na ilakolako o Nifai. A vola talega na vosa ni Kalou.
A sa qase mai o Liai. Ni bera na nona mate a vosa vei iratou na luvena tagane ka a tukuna vei ratou me ratou talairawarawa ki na ivakaro ni Kalou. Ka vosa vakalougatataki iratou talega na makubuna.
Ni sa mate o Liai rau sa qai cudruvi Nifai o Leimani kei Lemueli ka vinakata me vakamatei koya. Erau a sega ni vinakati Nifai, na tacidrau gone, me nodratou iliuliu.
E kaya na Turaga vei Nifai me liutaki ira tamata yalododonu ki na lekutu. Era tou lako tiko na vuqa na siga ka ratou mai cegu ena dua na vanua era vakatoka me yacana o Nifai.
O ira na tamata era muri Nifai era talairawarawa vua na Kalou. Era cakacaka vakaukauwa era a qai vakalougatataki. E vakavulica o Nifai vei ira na nona tamata me ra tara vale ena kau kei na kaukamea. Era a tara e dua na valetabu totoka.
O ira era vakamuri Leimani kei Lemueli era vakatokai ira me ra Leimanaiti.
Era sega ni muria na Kalou na Leimanaiti ka sa muduki tani mai Nona iserau. Sa sega ni rawa ni tiko kei ira na Yalo ni Turaga me yacova ni ra sa veivutuni.
Sa sivia na nodra caka ca na Leimanaiti ka vala wasoma kei ira na Nifaiti.