Ai Vakamacala Taumada

Kivua e Wilika

Na italanoa ni iVola i Momani oqo e volai vakabibi vei kemuni. Era tauri mai na italanoa ena dua na ivola e mareqeti baleta ni lako mai vua na Tamada Vakalomalagi. Ni o wilika na veitalanoa oqo, mo nanuma tiko ni sa tukuni ira tiko na tamata era a bula ena dua na gauna makawa mai Amerika.

Ni o wilika na italanoa ena ivola oqo, o na vinakata talega mo wilika mai na iVola i Momani. Ena ruku ni iyaloyalo yadua o na raica kina na vanua e rawa ni o kunea kina na italanoa o ya ena iVola i Momani. Me ratou vukei iko o nomu ta, na, qasenivuli, se e dua nomu itokani me vukei.

Kevaka o sega ni kila nai balebale ni dua na vosa, mo qai raica ena “Vosa me Kilai” ena daku ni ivola oqo. Na itukutuku me baleti ira na tamata kei na veivanua e tukuni tiko ena iVola i Momani e tiko talega ena daku ni vola oqo.

Kivei Ira na iTubutubu kei na Qasenivuli

Na ivola oqo ena vukei iko mo vakavulica na ivolanikalou. Wasea na nomu ivakadinadina me baleta na iVola i Momani, ka vakayaloqaqataki ira o vakavulica me ra vakasaqara na nodra dui ivakadinadina. Ena tubu na nodra kila ka me vaka ni o wilika na itukutuku kece ni nodra italanoa taleitaki mai na iVola i Momani.