Wase 29
Sa Vakatavulica o Alama na Vakabauta kei na Vosa ni Kalou
A vakavulici ira na Soramaiti o Alama ena vakabauta. E kaya o koya ni o ira na tamata ka taroga e dua na ivakatakilakila ni bera ni ra vakadinata e sega vei ira na vakabauta.
E kaya o Alama na vakabauta oya na kena vakadinati ni dina e dua na ka ia sega taumada ni raici.
E vakamacalataka o koya ni tubu na vakabauta ni sa via vakadinata e dua na tamata ka vakarorogo ki na vosa ni Kalou. Na vosa sa qai teivaki ki na loma ni tamata oya, ia me vaka na sorenikau e sa tekivu me tubu.
Ni sa vulica vakalevu cake na kosipeli e dua na tamata, sa buroro na sorenikau ka tubu tikoga. Sa kila na tamata oya ni sa vinaka na sorenikau, ka sa qaqaco na nona vakabauta.
A kaya o Alama ni vaka ga na kena vuataka na vuanikau vinaka e dua na sorenikau vinaka, sa kauta mai na vosa ni Kalou na veivakalougatataki ki na tamata era vakabauta.