Wase 21
Ira na Emelesaiti
E sa tamata vuku ka dukadukali o Emelesai, ka sa vinakata me nodra tui na Nifaiti. Sa vuqa tu na nona ilawalawa.
Era sega ni vinakati Emelesai na Nifaiti yalododonu me nodra tui. Era kila ni sa vinakata me vakarusa na Lotu ni Kalou.
Era vakasoqoni na Nifaiti ena veiwasewase me lewa ke sa dodonu me tui o Emelesai. Era saqati Emelesai e levu na tamata, ka sa sega ni yaco me tui.
Sa cudru sara ko Emelesai kei ira na nona ilawalawa. Era sa biuti ira na Nifaiti, buli Emelesai me nodra tui, ka vakatokai ira mera Emelesaiti. A vakaroti ira o Emelesai mera valuti ira na Nifaiti.
Era sa vakavakarau ni taqomaki ira na Nifaiti yalododonu ena dakaititi kei na gasau, iseleiwau, kei nai yaragi tale eso.
Era a ravu na Emelesaiti, ia a vakamatei e vuqa vei ira mai vei ira na Nifaiti, ka a liutaki mai vei Alama ka vaqaqacotaki mai vua na Turaga. Era a dro tani na vo ni Emelesaiti.
Tala o Alama eso na yamata vuni mera wanonovi ira na Emelesaiti. Era raica na yamata vuni ni ra sa soqoni vata kei na mataivalu levu ni Leimanaiti ka ravuti ira na Nifaiti ka tiko voleka e Saraemala.
Era a masu na Nifaiti, ka sa vukei ira tale na Kalou. Era a vakamatea e vuqa na sotia ni mataivalu ni Leimanaiti-Amelesaiti.
Rau a vala ena iseleiwau o Alama kei Emelesai. A masuta o Alama me vakadeitaki na nona bula, ka sa solia vua na Kalou na kaukauwa me vakamatei Emelesai.
Era a vakasavi ki na lekutu na Leimanaiti kei na Emelesaiti mai vei ira na Nifaiti. E vuqa ka mavoa era mate e kea ka ra laukana mai vei ira na manumanu kila.
Vakataki ira na Leimanaiti, era sa boro damudamu na Emelesaiti, ka sa vakayacori kina e dua na parofisai. Era sa tawasei ira tani na Emelesaiti mai na veivakalougatataki ni kosipeli.