Wase 52

Na Nodra Vakarusai na Jeretaiti

Tui ni Jeretaiti

Era sa lewe levu mai na Jeretaiti ka ra sa vutuniyau. Era a digitaka e dua na tui me nodra iliuliu.

Ica 6:18, 22, 27–28

Jeretaiti ivalavala ca

Oti yani e vuqa na yabaki, ka sa yaco mera ivalavala ca na Jeretaiti. Na Turaga a talai ira na parofita me tukuna vei ira me ra veivutuni se era na vakarusai.

Ica 11:1

Jeretaiti ni ra cici tiko

Na tamata era a sega ni vakarorogo vei ira na parofita. Era a tovolea me ra vakamatei ira.

Ica 11:2

ivalu

A sa yaco na veivaluvaluti kei na dausiga ena loma ni vanua. E vuqa sara na Jeretaiti era a mate.

Ica 11:7

Vunau tiko o Ica

Na Turaga ea tala e dua tale na parofita, na yacana o Ica. E a vunau o koya mai na mataka ki na yakavi, ni tukuna tiko vei ira na Jeretaiti me ra vakabauta na Kalou ka veivutuni.

Ica 12:2–3

Ica e vunau tiko vei ira na tamata

O Ica a tukuna vei ira na Jeretaiti ni kevaka era na vakabauta na Kalou, ena dua na siga era na bula vata kei na Tamada Vakalomalagi ena dua na vuravura vinaka cake.

Ica 12:4

Jeretaiti vakasaurarataki Ica me lako

O Ica a tukuna vei ira na Jeretaiti e vuqa na ka bibi, ia era a sega ni vakabauti koya. Era a usuraki koya me biuta na siti.

Ica 12:5; 13:13

Ica vuni tiko ena qaravatu

O Ica a dau vuni ena qaravatu ena siga me kua kina ni vakamatei. Ena bogi a lako yani o koya ka raica na veika a yaco tiko vei ira na Jeretaiti.

Ica 13:13–14

Ica volavola ena peleti

E a vakaotia nona vola na kedra itukutuku na Jeretaiti ena gauna a vuni tiko kina.

Ica 13:14

Ica ni veivosaki kei Korianatuma

Na Turaga a talai Ica vei Korianatuma, o koya e dua na tui ca ni Jeretaiti. A tukuna vua o Ica me veivutuni se na bula tiko me raica na nodra vakarusai kece na nona tamata.

Ica 13:16–17, 20–21

o ira na sotia era vakacemuri Ica

A sega ni veivutuni o Korianatuma kei ira na nona tamata. A saga o koya me vakamatei o Ica, ia a dro o Ica ka laki vuni ena qaravatu.

Ica 13:22

na tagane sa moce kei na iseleiwau

Era caka ca sara na tamata a cudruva kina na vanua na Turaga. Era a sega ni rawa ni biuta sobu nodra iyaya ni cakacaka se na iseleiwau baleta ena siga ka tarava na veika oqori sa na yali.

Ica 14:1

ivalu

O ira na Jeretaiti kece a vala ena nodra ivalu, oka kina na yalewa kei na gone. O Korianatuma a liutaka e dua na mataivalu ka dua tale a liutaka e dua na tamata ka yacana o Sisi.

Ica 14:19–20; 15:15

Korianatuma kei Sisi ni vala tiko

O Korianatuma kei Sisi erau a tagane dau caka ca ruarua. Na Yalo Tabu a sa biuti ira na Jeretaiti ena vuku ni nodrau caka ca. O Setani a sa lewai ira ena kaukauwa.

Ica 15:19

Korianatuma

Ira na Jeretaiti era vala me yacova ni rau sa qai vo walega o Korianatuma kei Sisi. Ni sa rebo o Sisi ena vuku ni dave vakalevu ni dra, a sa taya laivi na uluna ko Korianatuma.

Ica 15:29–30

Korianatuma kei ira na tamata i Saraemala

A sa yaco vakaidina na parofisai nei Ica: o Korianatuma a sa iotioti ni Jeretaiti me bula tiko. Era a kunei koya o ira na tamata e Saraemala.

Omanai 1:21

Ica ni volavola ena peleti

A vakaotia o Ica na volai ni nodra ivolatukutuku na Jeretaiti. Era a sa vakarusai ena vuku ni nodra caka ca. Na nodra ivolatukutuku na Jeretaiti era a qai kunea e muri ko ira na Nifaiti.

Ica 15:33