Wase 26
O Ira na Tamata i Amoni
Ratou vakavulica na kosipeli na luvei Mosaia vei ira na Leimanaiti. A veivutuni ka curu ki na Lotu e udolu vakaudolu na Leimanaiti.
Era sa vakatokai ira me Anitai-Nifai-Liai na Leimanaiti era sa lewena na Lotu, se ko ira na tamata i Amoni. Era sa tamata vinaka, ka dau cakacaka.
Era sa cudruvi ira na tamata i Amoni na Leimanaiti ka sega ni veivutuni ka sa vakarau tu me ravuti ira.
Era sa kila na tamata i Amoni ni ra na mai vakamatei ira na Leimanaiti dukadukali ia era sa navuca mera kakua ni ravu lesu. Era sa veivutunitaka na veivakamatei.
Era sa buluta vakatitobu na nodra iyaragi ena qele ka yalataka vua na Kalou ni ra na sega ni veivakamatei tale.
Ni ra sa lako mai na Leimanaiti dukadukali ka tekivu vakamatei ira, era sa cuva sobu ki na qele ka masu.
Ni ra raica na Lemanaiti ca ni ra sa sega ni ravu lesu yani na tamata i Amoni era sa muduka talega nodra veivakamatei.
Era sa rarawataka na Leimanaiti ni ra a veivakamatei. Era sa kolotaka sobu na nodra iyaragi ka cokovata kei ira na tamata i Amoni. Era sa sega ni qai vala tale.
Sa levu na Leimanaiti era lako mai mera vakamatei ira na tamata i Amoni. Era sa sega ni ravu lesu tikoga, ka vuqa era sa vakamatei.
Nona sega ni vinakata tu mera vakarusai na tamata e taleitaka, sa masuta o Amoni na veivuke. Sa tukuna vei koya na Turaga me kauti ira na nona tamata ka biuta na vanua.
Era solia na Nifaiti e Saraemala na vanua o Jerisoni kivei Amoni kei ira na nona tamata ka taqomaki ira. Sa yaco mera veitokani.