Wase 48
Na Sautu e Amerika
Ni lesu oti o Jisu ki lomalagi, eratou vakaduria na nona tisaipeli na nona Lotu ena vanua taucoko.
O ira na tamata ka ra sa veivutunitaka na nodra ivalavala ca a ra sa papitaiso ka ciqoma na Yalo Tabu.
Sega ni bera era a saumaki kece sara na Nifaiti kei na Leimanaiti. Era a sega ni veiba ka ra sa yalodina na tamata kecega.
E sega ni dua a sa vutuniyau se dravudravua. Na tamata era a wasea na veika kece, ka sa tu vei ira na veika era gadreva.
O ira na tisaipeli a vakayacora e vuqa na caka mana ena yacai Jisu Karisito. Era a vakabulai ira na tauvimate ka kauti ira lesu mai na mate ki na bula.
Era a tara vou na veikoro ena vanua ka ra a vakarusai kina eso tale.
Era a vakamuria na ivakaro ni Kalou. Era a lolo ka masumasu ka soqoni vata wasoma mera rogoca na vosa ni Kalou.
Era a marau na tamata.
Era sa sega na daubutako, sega na dau lasulasu, sega na daulaba. Era a sega tale ni tawase ki na Nifaiti kei na Leimanaiti ko ira na tamata ia era a duabau ga, na luve i Karisito.
E a vakalougatataki ira na tamata na Turaga ena ka kecega era a kitaka.
Era a tiko sautu me 200 na yabaki. Era a yaco me vutuniyau sara na tamata.