Wase 42

Na iVakatakilakila ni Veivakoti ena Kauveilatai i Karisito

na tagane e taura na ligai goneyalewa lailai

Sa oti e tolusagavulu ka tolu na yabaki mai na gauna era a raica kina ko ira na tamata na ivakatakilakila ni sucu i Jisu Karisito.

3 Nifai 8:2

o ira na tamata era raica cake na lomalagi

Era sa vakaraica matua oqo me baleta na ivakatakilakila ni nona mate: tolu na siga ni butobuto.

3 Nifai 8:3

o ira na tamata era veiba tiko

Eso era a sega ni vakabauta ni na lako mai na ivakatakilakila. Era a veiba vata kei ira era sa vakabauta.

3 Nifai 8:4

o ira na tagane ena cava

Ena dua na siga a yaco e dua na cava kaukauwa sara. A yaco e dua na cagi vakarerevaki.

3 Nifai 8:5–6

turaga e dabe toka

A sa lidi na yaseyase, kei na kurukuru sa yavala kina na vuravura taucoko.

3 Nifai 8:6–7

o ira na tagane era sa dro

A sa kama na koro ko Saraemala ena bukawaqa. Sa lutu dromu na koro ko Moronai ki na wasaliwa. Sa buluta na koro levu ko Moronaia na qele.

3 Nifai 8:8–10

tagane kei na gone lalai

E dua na uneune a kuretaki vuravura taucoko. Na veigaunisala lelevu sa kakavorovoro, ka kasura na veivale. Era a vakarusai kina e vuqa na koro, ka ra a vakamatei e vuqa na tamata.

3 Nifai 8:12–15

na cava e na dela ni vanua

Na cava kei na yavavala ni vanua a yaco me tolu na auwa.

3 Nifai 8:19

lako voli ena butobuto na tamata

Ni oti na cava kei na yavavala ni vanua, a ubia na vanua na butobuto vavaku. Sa sega na rarama ena veivanua. Era sa rawa sara mada ga ni vakila na tamata na butobuto.

3 Nifai 8:19–20

na matavuvale ena butobuto

Na butobuto e a yaco me tolu na siga. Na kadrala era sega ni udre rawa, kei ira na tamata era sega ni raica rawa na matanisiga, na vula, se na veikalokalo.

3 Nifai 8:21–23

o ira na tamata era sa tagi ena butobuto

Era a tagi na tamata ena vuku ni butobuto, na veivakarusai, kei na mate. E a mositi ira ni ra a sega ni veivutunitaka na nodra ivalavala ca.

3 Nifai 8:23–25

o ira na tamata ena butobuto

Sa ra qai rogoca na tamata na domo i Jisu Karisito.

3 Nifai 9:1, 15

vanua vakarusai e loma ni butobuto

A tukuna vei ira o Jisu me baleta na veivakarusai rerevaki ena vanua. E kaya o Koya ni ra sa vakamatei o ira na tamata ca sara.

3 Nifai 9:12–13

o ira na tamata era masu tiko ena butobuto

E kaya o Koya ni o ira era a sega ni vakamatei e gadrevi mera veivutuni. Kevaka era kitaka vakakina ka lako mai vua, ena vakalougatataki ira o Koya.

3 Nifai 9:13–14

o ira na tamata ena butobuto

Era a kurabui sara na tamata ni ra sa rogoca oti na domo ka ra sa mudu kina ena tagi. Veika kece a vakanomodi me vuqa na auwa.

3 Nifai 10:1–2

na matavuvale ena butobuto

A qai vosa tale o Jisu, ka kaya ni a sa dau via vukei ira vakavuqa na tamata. Kevaka era na veivutuni oqo, ena rawa ni ra se lesu ki vua.

3 Nifai 10:3–6

era sa rai cake na tamata

Ni oti e tolu na siga e a takali yani na butobuto. Era a reki na tamata ka vakavinavinaka vua na Turaga ena mamarau.

3 Nifai 10:9–10