Tamata mera Kilai
- Akoca
-
e dua na Nifaiti dautawaqa ka a kauta e vuqa na Nifaiti ki na vanua ena vualiku
- Alama
-
e dua na nona bete na Tui o Noa ka a vakabauta na ivakavuvuli nei Apinatai ka yaco e muri me iliuliu ni Lotu
- Alama Lailai
-
O luvei Alama o koya a vorata ka tovolea me vakarusa na Lotu ia ka a veisau na yalona ka tekivu me vakatavulica na kosipeli. A yaco o koya me iliuliu ni Lotu ka imatai ni turagani lewalevu.
- Amalikaia
-
e dua na tagane ca ka a vinakata me nodra tui na Nifaiti ia ka a rawa ni a kauta tani na nodra galala na tamata. Ni a sega ni rawa ni yaco me tui, e a lako o koya vei ira na Leimanaiti.
- Amaroni
-
e dua na turaga yalododonu ka solia vei Momani na ivola tukutuku me rawa ni ra taqomaki
- Amoni, na tamata i
-
Ira na Leimanaiti a saumakitaki mai vei iratou na luvei Mosaia. Na tamata era buluta na nodra iyaragi ka yalataka mera kua ni veivala tale.
- Amoni1
-
na iliuliu ni dua na ilawalawa Nifaiti mai Saraemala ka a lako ki na vanua ko Nifai ka vukei ira na Nifaiti ekea mera dro bula
- Amoni2
-
e dua na luvena tagane o Mosaia ka a taqomaka na qele ni manumanu nei Tui Lamonai mai vei ira na daubutako. A vakatavulica ka veisautaki ira e vuqa na Leimanaiti ena nona kaulotu.
- Amuleki
-
e dua na itokani daukaulotu nei Alama Lailai. Erau a biu ki vale ni veivesu ia rau a vakayagataka na kaukauwa ni Kalou me vaqera na lalaga ni vale ni veivesu.
- Anitai-Nifai-Liai
-
(raica na Amoni, na tamata i)
- Apinatai
-
e dua na parofita a talai me vakavulica na Tui o Noa, o koya a vakamatei Apinatai ena bukawaqa
- Atama
-
na imatai ni tamata e vuravura
- Emelesai
-
e dua na tagane ca ka a vinakata me tui vei ira na Nifaiti. Ni a sega ni rawa ni yaco me tui, o koya kei ira na nona ilawalawa a biubiu, kabai ira yani na Nifaiti, ka qai lai to vata kei ira na Leimanaiti.
- Emelesaiti
-
ira na dau vakamuri Emelesai. Era boroya na maka damudamu e yadredra ka laki to vata kei ira na Leimanaiti.
- Emuloni
-
e dua na bete dau caka ca ni Tui Noa ka a buli me iliuliu vei ira na tamata nei Alama. E a vakacakacakataki ira vakaukauwa ka tukuna me vakamatea e dua ga e tobo ni masu tiko.
- Eroni
-
e dua na luvena tagane na Tui o Mosaia ka daukaulotu vei ira na Leimanaiti
- Ica
-
e dua na parofita ka vakasalataki ira na Jeretaiti me ra veivutuni ka vola me baleta nodra vakarusai
- Ilamani
-
na luvena tagane qase duadua i Alama Lailai. A soli vua na peleti ka tukuni me vola na kedra itukutuku ni nona tamata. E a nodra iliuliu talega na 2,000 na sotia gone tagane.
- Iminai
-
e dua na luvena tagane na Tui o Mosaia ka daukaulotu vei ira na Leimanaiti
- Inosi
-
e dua na luvetagane i Jekope ka a masu ena siga taucoko ka yacova na bogi levu. O koya a masulaki ira na Nifaiti kei na Leimanaiti.
- Isimeli
-
e dua na turaga mai Jerusalemi ka a lako ki na vanua yalataki vata kei na matavuvale nei Liai. Ratou na luvena yalewa a vakamautaki ratou na luvei Liai tagane.
- Ivi
-
na imatai ni yalewa e vuravura
- Jekope
-
na luvei Liai kei Seraia tagane. A sotavi Seremi, o koya a kaya ni sega na Karisito.
- Jeretaiti
-
ira na dau muri Jereti kei tuakana era a biuti Pepeli mai ka gole yani ki na vanua yalataki ena waqa
- Josefa
-
e dua na luvena tagane yalododonu i Liai kei Seraia ka a sucu ena loma ni lekutu
- Josefa Simici Lailai
-
e dua na parofita ena siga-edaidai ka a vakadewataka na iVola i Momani mai na peleti koula
- Kitione
-
e dua na Nifaiti yalododonu ka a taqomaka na Lotu ni a tekivu vakavulici ira na tamata ena lasu o Neori. O Neori a vakamatei koya.
- Korianatuma
-
e dua na tui ca o koya ka a iotioti ni Jeretaiti me bula tiko
- Korianitoni
-
e dua na luvena tagane i Alama Lailai, ka a sega ni daukaulotu yalodina ka yalododonu
- Korio
-
e dua na tamata dau caka ca ka a vinakata e dua na ivakatakilakila me vakadinadinataka ni bula tiko na Kalou. Na Kalou a solia vei Korio e dua na ivakatakilakila ena nona kauta tani na domona.
- Lamonai, na tama i Tui
-
na tui ni Leimani ka a vakavulici ena kosipeli ka vakabauta. A kaya ni na solia laivi na nona ivalavala ca kecega me kila na Kalou.
- Lamonai, Tui
-
na tui ni Leimani ka a vakavulici ena kosipeli ka vakabauta. Amoni2 a taqomaka na qele ni manumanu ni tui mai na daubutako.
- Leimanaiti
-
ira na kawa se na dau muri Leimani kei Lemueli se o ira na tamata era a besetaka na kosipeli
- Leimani
-
na luvedrau tagane qase duadua o Liai kei Seraia. A tamata ca ka veisaqasaqa vua na Kalou.
- Leimani, Tui
-
e dua na tui ni Leimanaiti ca ka a solia vei Senifi kei ira na nona ilawalawa Nifaiti e rua na koro lelevu ia a qai kabai ira
- Lemueli
-
e dua na luvedrau tagane ca o Liai kei Seraia
- Lepani
-
e dua na tamata ca e Jerusalemi ka a sega ni solia na peleti parasa vei ratou na luvei Liai tagane
- Liai1
-
e dua na parofita ka a veivakasalataki ni na vakarusai ko Jerusalemi. A vakarorogo ni a tukuna vua na Kalou me kauta na nona matavuvale ki na lekutu.
- Liai2
-
na luve i Ilamani tagane O koya kei na tuakana, o Nifai, a viritaki ki na vale ni veivesu ka qai wavoliti tu ena bukawaqa.
- Limiai, Tui
-
e dua na luvena tagane vinaka na Tui o Noa. O koya kei ira na nona tamata era bobula vei ira na Leimanaiti ia a dro bula.
- luvena tagane o Mosaia
-
Na luvena tagane na Tui o Mosaia: o Eroni, Amoni,2 Iminai, kei Omana, eratou a daukaulotu qaqa vei ira na Leimanaiti
- Meri
-
na tinai Jisu
- Momani
-
na nodra iliuliu na mataivalu ni Nifaiti ka dua na iotioti ni parofita vaka-Nifaiti. E a biuta vata vakaivola o koya na iVola i Momani.
- Moronai
-
na luvena tagane o Momani ka iotioti ni parofita vaka-Nifaiti. E a buluta o koya na peleti koula ka a qai rairai emuri vaka-agilosi vei Josefa Simici.
- Moronai, Kavetani
-
e dua na iliuliu yalododonu ni mataivalu ni Nifaiti. A cakava o koya na drotini ni galala ka tukuna ki na nona mataivalu me valataka nodra galala.
- Mosaia, Tui
-
na iotioti ni tui ni Nifaiti. E a lewe va na luvena tagane.
- Neori
-
e dua na tamata ca ka a veiba vakadoudou kei na Lotu ni Kalou. O koya a vakamatei Kitioni ka a qai vakamatei kina.
- Nifai1
-
e dua na luvedrau tagane yalododonu o Liai kei Seraia. A taura na peleti parasa mai vei Lepani ka tara na waqa ka kauta na nona matavuvale ki na vanua yalataki.
- Nifai2
-
na luve i Ilamani tagane O koya kei na tacina, o Liai, a viritaki ki na vale ni veivesu ka a wavoliti ena bukawaqa. O Nifai a vakavuna e dua na dausiga me vakavulici ira na tamata me ra veivutuni.
- Nifai3
-
e dua na turaga yalododonu a digitaki mai vei Jisu Karisito me dua na tisaipeli ka iliuliu ni Lotu
- Nifaiti
-
ira na dau vakamuri Nifai se o ira na tamata era a ciqoma na kosipeli
- Noa, Tui
-
e dua na tui ca ni Nifaiti a dau taleitaka na iyau ka a vakavulici ira na nona tamata me ra dau caka ca. Ira na nona tamata a vakamai koya me mate.
- Omana
-
e dua na luvena tagane na Tui o Mosaia ka daukaulotu vei ira na Leimanaiti
- Paorani
-
e dua na turaganilewa levu ni Nifaiti ka a vukei Kavetani Moronai me vakadrukai ira na Nifaiti dau caka ca
- Penijamini, Tui
-
e dua na tui yalododonu ka a tu ena dua na vatavata cecere me vakavulici ira na nona tamata me baleti Jisu Karisito
- rua na udolu na cauravou dauvala
-
e dua na mataivalu ni cauravou Amonaiti ka a liutaki ira o Ilamani. Era a vala ena vukudra na nodra itubutubu, o koya era a veiyalayalati me ra kua ni veivala.
- Samuela na Leimanaiti
-
e dua na parofita ka a parofisaitaka vei ira na Nifaiti me baleta na ivakatakilakila ni sucu kei na mate i Jisu Karisito
- Saraemana
-
e dua na iliuliu ni Leimanaiti ka a vala kei ira na Nifaiti ka vinakata me ra nona bobula. O koya a cecegi na kuli ni uluna ena dua na vala kei na mataivalu i Kavetani Moronai.
- Semi
-
e dua na luvedrau tagane yalododonu o Liai kei Seraia
- Senifi
-
e dua na iliuliu yalododonu ka a kauta e dua na ilawalawa Nifaiti mai Saraemala ki na vanua ko Nifai, ka a yaco kina me ra bobula vua na Tui o Leimani dau caka ca
- Seraia
-
Liai1 na watina
- Seremi
-
e dua na Nifaiti dau caka ca ka a vinakata e dua na ivakatakilakila ni bera ni na vakabauti Jisu Karisito
- Sianitumu
-
na taci Sisoramu ka a labati koya
- Sisi
-
e dua na Jeretaiti dau caka ca ka a liutaka e dua na mataivalu me valuti Korianatuma ka dua o koya na iotioti ni Jeretaiti me bula
- Sisoramu
-
e dua na turaganilewa levu ka a labati koya na tacina
- Sisoromi
-
e dua na loya ka a soli ilavo ki vei Amuleki me kaya ni sega na Kalou. O Alama Lailai e a vakavulica vua na kosipeli, ka a qai veivutuni.
- Soramaiti
-
ira na tamata dau caka ca ka ra a lewena taumada na lotu ni Kalou. Era a masu e loma ni valenilotu ena dua na itutu ka vakatokai na Rameumitomi.
- Soramu
-
e dua na dauveiqaravi i Lepani ka a lako vata kei iratou na matavuvale nei Liai ki na vanua yalataki
- tamata galala
-
Ira na Nifaiti ka ra a vinakata na galala me ra bula ka sokalou me vaka era sa digitaka. Era a lewai mai vei ira na turaganilewa, ka sega ni mai vua e dua na tui.
- tamata-via-vakatui
-
Na Nifaiti era a via liutaki mai vua e dua na tui, ka sega ni mai vei ira na turaga ni lewa. Ni ra sega ni rawata e dua na tui, era sa lai to vata kei ira na Leimanaiti ka kabai ira na Nifaiti.
- tuakai Jereti
-
e dua na parofita ka a kerei Jisu me tara na 16 na vatu me rawa ni solia na rarama ena loma ni waqa ka a kauti ira na Jeretaiti ki na vanua yalataki