Wase 19
Era sa Daukaulotu na Luvei Mosaia
E va na luvei Mosaia: ko Amoni, Eroni, Omana, kei Iminai. Era a tiko vata kei Alama Lailai ena gauna e rairai kina vua e dua na agilosi.
Sa veivutunitaka na nodratou ivalavala ca na luvei Mosaia ka sa kere veivosoti ena leqa ratou a vakavuna. Ratou sa kila ni dina na kosipeli, ka vinakata me ratou vakavulica vei ira na tani.
Ratou a sega ni vinakata me ratou tui na luvei Mosaia yadua. Ia, ratou a vinakata me ratou daukaulotu kivei ira na Lemanaiti ka wasea na veivakalougatataki ni kosipeli vei ira.
A masu na tui o Mosaia me kila ke sa dodonu me talai ratou yani na luvena. Sa tukuna vua na Kalou me talai ratou yani, ka ratou na taqomaki. Sa vuqa na Leimanaiti e vakabauta na nodratou itukutuku.
Ratou a gole na luvei Mosaia me laki vakatavulici ira na Leimanaiti. Ratou a lolo ka masumasu me rawa ni ratou daukaulotu vinaka.