Wase 8
Kosovi na Wasawasa
A liwava na cagi kaukauwa na waqa ki na vanua yalataki.
O Leimani, Lemueli, kei ratou na vica tale eratou sa tekivu me ca mai na nodratou ivalavala. Ni tukuna o Nifai vei ratou me sa rauta, era tou sa cudru ka vesuvesuki koya ena dali.
Ena vuku ni nodra caka ca, sa tekivu me sega ni cakacaka na Liaona. Era tou sega ni kila na sala me ra vagolea kina na waqa. E dua na cava rerevaki e uvuca na waqa imuri me tolu na siga.
A kaya o Liai vei Leimani kei Lemueli me rau sereki Nifai, ia rau a sega ni via vakarorogo. A cudru vakalevu o Liai kei Seraia ka vakavuna na nodrau tauvimate bibi.
A tagi na wati Nifai kei ratou na gone. Eratou a vakamasuti Leimani kei Lemueli me rau sereki Nifai, ia e rau sega ni vinakata.
Ena ikava ni siga e sa ca sara vakalevu na cava. Na waqa e sa vakarau dromu.
E kila o Leimani kei Lemueli ni a tala mai na Kalou na cava. Era tou sa rere na luvu.
Kena itinitini rau a veivutuni o Leimani kei Lemueli ka rau a sereki Nifai. E dina ga ni vuce ka mosi na ligana kei na nona qurulasawa mai na vesu ni dali, a sega ni vosakudrukudru o Nifai.
A qai tomika cake o Nifai na Liaona, ka tekivu cakacaka tale. A masu o Nifai, ka ruru na cagi. A maravu mai na wasawasa.
A ulia tale na waqa o Nifai, ka soko tale yani ki na vanua yalataki.