Wase 4
Na Peleti Parasa
A kaya o Liai vei Nifai ni vinakata na Turaga vei koya kei rau na tuakana me ratou lesu tale ki Jerusalemi. Me ratou lai kauta mai na peleti parasa mai vua e dua na tamata na yacana o Lepani.
Era ivolatukutuku bibi na peleti parasa. Era talanoataka baleti ira na qase nei Liai, ka tu talega kina na vosa ni Kalou ka vakatakilai mai vei ira na parofita.
O Leimani kei Lemueli rau sega ni vinakata me rau lesu ka lai kauta mai na peleti parasa. Erau kaya ni na dredre ni caka. Erau sega ni vakabauta na Turaga.
A vinakata o Nifai me talairawarawa kivua na Turaga. E kila o koya ni na vukei koya kei na tuakana na Turaga ena kena tauri mai na peleti parasa mai vei Lepani.
Ko Leimani, Lemueli, Semi, kei Nifai a lesu tale ki Jerusalemi me ratou lai kauta mai na peleti parasa.
Lako vei Lepani ko Leimani me taroga me baleta na peleti.
A sa cudru ko Lepani ka sega ni via solia vei Leimani na peleti parasa. Sa vinakata me vakamatei na Leimani ko Lepani, ia a dro bula o Leimani.
A tukuna vei iratou na tuakana ko Leimani na ka sa yaco. A rere ka vinakata me soro ka lesu tale vei tamadratou ki na lekutu.
E kaya o Nifai ni ratou na sega ni lesu ke sega na peleti parasa. A tukuna vei rau na tuakana me vakalevutaka na nodrau vakabauta vua na Turaga ka na rawa ni kauta mai na peleti parasa.
A lako ki na nodra itikotiko makawa e Jerusalemi o Nifai kei na tuakana ka vakasoqona vata mai na nodratou koula kei na siliva me veisau kei na peleti.
Eratou vakaraitaka na nodratou iyau vei Lepani ka solia me veisau vata kei na peleti. Na gauna sa raica kina ko Lepani na nodratou koula kei na siliva, a vinakata ga me nona ka viritaki ratou ituba.
A kaya o Lepani vei ira na nona tamata cakacaka me ratou vakamatei ratou na luvei Liai tagane. Eratou cici na tuakai Nifai kei Nifai ka laki vuni ena lomani qara. Lepani a maroroya na nodratou koula kei na siliva.
O Leimani kei Lemueli a cudruvi Nifai. Erau mokuti Nifai kei Semi ena dua na kau.
A rairai mai e dua na agilosi ka tukuna vei Leimani kei Lemueli ka tarovi rau. A tukuna vei rau na Turaga ena vukei ratou ena kena kau mai na peleti. A tukuna talega vei rau ni na yaco o Nifai mena liutaki iratou na tuakana.
E a tukuna o Nifai vei iratou na tuakana meratou vakabauta tiko na Turaga ka kua ni rerevaki Lepani kei ira na nona tamata. A vakayaloqaqataki iratou na tukana o Nifai mera lesu tale ki Jerusalemi.
Ena bogi oya eratou vuni ena taudaku ni tuakai Nifai ka lakolako vunivuni yani e loma o Nifai. E taubale yani ki na nona vale o Lepani
Ni sa volekata yani na vale nei Lepani o Nifai, a raica o koya edua na tamata ni davo mateni koto e ra. O ya o Lepani.
A raica o Nifai na iseleiwau nei Lepani ka tomika cake. Na Yalo Tabu a tukuna ko Nifai meu vakamatei Lepani, ia a sega ni vinakata me ra vakamatei koya ko Nifai.
E tukuna tale na Yalo Tabu vei Nifai me vakamatei Lepani me rawa kina taura o koya na peleti parasa. E gadreva na matavuvale nei Liai na peleti me rawa ni ratou vulica na kosipeli.
E talairawarawa ki na Yalo Tabu ko Nifai ka vakamatei Lepani. A qai tokara na isulu kei na nona iyaragi ni valu nei Lepani o Nifai.
A lako ki na vale nei Lepani ko Nifai ka sota e kea kei Soramu, dauveiqaravi nei Lepani. A rairai ka rorogo talega vakai Lepani ko Nifai.
A tukuna o koya vei Soramu me kauta mai na peleti parasa. A nanuma o Soramu ni o Nifai o Lepani, ka solia vei koya na peleti. A tukuna o Nifai vei Soramu me muri koya mai.
Ko Leimani, Lemueli, kei Semi a raica Nifai ni lako tiko mai ituba ka ratou nanuma o koya o Lepani. Eratou sa tekivu dro ia era tou tu vakadua ni kaci o Nifai.
Ko Soramu qai kila ni o Nifai ka sega ni o Lepani, ka tovolea me dro. E toboki Soramu ko Nifai ka yalataka vua ni na sega ni vakamavoataki koya kevaka era tou lako vata kei Nifai ki na lekutu.
A vakadonuya o Soramu. Ko Nifai, kei na tuakana a kauti Soramu kei na peleti parasa ka lesu vei Liai kei Seraia.
Eratou solia na peleti parasa vei Liai. A marau o koya kei Seraia ni ratou bula vinaka luvedrau tagane. Eratou reki kece ka vakavinavinaka vua na Kalou.
Wilika na peleti parasa o Liai. E talanoataka baleti Atama kei Ivi kei na buli ni vuravura. Era umani tu kina e levu na nodra vosa na parofita e vuqa.
Liai kei Nifai e rau marau baleta ni rau talairawarawa vua na Turaga ka rawa ni rau kauta mai kina na peleti parasa.
A tawana ka maroroa na matavuvale nei Liai na peleti parasa me ratou kauta vata kei iratou ena nodra ilakolako me rawa ni ratou vakavulici ira na luvedra na ivakaro e volai tu ena peleti.