Wase 44
O Jisu Karisito sa Vakalougatataki ira na Gone
O Jisu Karisito a tukuna vei ira na Nifaiti me ra kauta mai vua na luvedra lalai. Era a dabe sobu na gone e ra volekati Jisu.
A tukuna na iVakabula vei ira na tamata me ra tekiduru. A sa qai tekiduru o koya ka masu vua na Tamada Vakalomalagi.
Na masu ni iVakabula e a rui talei ka sega ni rawa kina me volai. E a vakasinaiti ira na Nifaiti ena marau.
Ni oti na nona masu e a kaya o Jisu ni ra na vakalougatataki na Nifaiti ena vuku ni nodra vakabauta.
E a vakila vakalevu o koya na loloma kei na marau ka mani tagi kina o koya
A qai keveti ira na gonelalai o koya ka vakalougatataki ira vakayadua. E a masu o koya vua na Tamada Vakalomalagi me baleti ira ka tagi tale.
A kaya o Jisu vei ira na Nifaiti me ra raici ira na luvedra lalai.
Ni ra a rai yani na tamata, a ra sa lako sobu mai lomalagi na agilosi ka vakavolivoliti ira na gonelalai. A ra sa vakavolivoliti na gone kei na agilosi ena bukawaqa.