Wase 16
Era sa Dro o Limiai na Tui kei ira na Nona Tamata
E toboki ira e vuqa na Nifaiti era sega ni dro kei Noa na Tui o ira na Lemanaiti. E kauti ira tani mai ka biuti ira ki na dua tala na vanua na Lemanaiti ka cakava me ra saumi vakacavacava.
Era sa buli Limiai me nodra tui vou na Nifaiti. E luvei Noa na Tui o Limiai, ia a sega ni valavala ca vakai tamana. E tamata vinaka.
Sa tovolea me veisaututaki kei ira na Lemanaiti o Limiai na Tui, ia era tomana tikoga na nodra yadravi ira tiko na Nifaiti ka vakalolomataki ira.
Dua na siga e raici ira eso na tamata vulagi ena taudaku ni koro o Limiai na tui. A sa biuti ira ki vale ni veivesu. O ira na vulagi oqo era Nifaiti mai Saraemala.
Na nodra iliuliu e yacana o Amoni. Sa marau me raici koya na Tui o Limiai. Sa kila tu o koya ni rawa vei Amoni me vukei ira na nona tamata me ra dro mai vei ira na Leimanaiti.
Sa kacivi ira vata mai na nona tamata o Limiai na tui. E vakananuma vei ira ni vakavuna tu na nodra mai vesu tu vei ira na Leimanaiti na nodra ivalavala ca.
E tukuna vei ira na nona tamata me ra veivutuni, ka vakararavi vua na Kalou, ka talairawarawa ki na ivakaro. Ena vukei ira na Kalou me ra dro bula.
Era sa kila rawa na Nifaiti ni o ira na Leimanaiti era yadrava tiko na koro levu o ya era dau mateni ena bogi.
Ena bogi o ya e vakauta vakalevu cake na waini o Tui Limiai vei ira na dau yadra me iloloma.
Era lako siviti ira na dau yadra era mateni tu na Tui o Limiai kei ira na nona tamata.
E dusimaki Limiai na Tui kei ira na nona tamata o Amoni ki na lekutu ki Saraemala, ka ra kidavaki mai kina.