Wase 45
O Jisu Karisito e Vakavulica me baleta na Sakaramede kei na Masu
O Jisu Karisito a talai ira na nona tisaipeli me kauta mai eso na madrai kei na waini. O koya a tukuna vei ira na Nifaiti mera dabe e ra.
Ni ra lesu mai na tisaipeli, a dovia vakalalai na madrai na iVakabula ka vakalougatataka. E a solia e so vei ira na nona tisaipeli ka ra qai solia e so vei ira na tamata.
O Jisu a kaya ni ko ira na tamata era taura na yalayala ni sakaramede me ra dau nanumi koya tikoga kei na nona solibula. Era na qai rawata na nona Yalotabu.
O Jisu Karisito a masulaka na waini ka solia e so vei ira na nona tisaipeli. Era a veisoliyaka na tisaipeli e so na waini vei ira na tamata.
O Jisu a kaya ni o ira era taura na sakaramede era yalataka me ra muria na nona ivakaro.
O Jisu a kaya tale vei iratou na nona tisaipeli ni o ira yadua era taura na sakaramede ka dau nanumi koya tikoga ena tiko kei koya na nona Yalotabu.
A tukuna o koya vei ira nona tisaipeli ni ra na vakalougatataki ke ra muria na nona ivakaro.
A tukuna vei ira o koya me ra dau masu tikoga ka masu me vaka era sa raici koya ni dau masu.
E kaya na iVakabula vei ira na Nifaiti me ra masu vei Tamada Vakalomalagi ena yacana. Sa vakaroti ira talega me ra dau masu vata kei ira na nodra matavuvale.
A kaya o koya ni dodonu me ra dau soqoni wasoma ko ira na tamata . Me ra kidavaki ira na tamata ki na nodra soqoni, masulaki ira, ka ra ivakaraitaki vinaka vei ira.
A solia na iVakabula vei iratou na nona tisaipeli na kaukauwa me ratou solia na Yalo Tabu. A qai vakaruguti ira na tamata e dua na o ka ratou raica wale ga na tisaipeli na lako cake i Jisu Karisito ki lomalagi.