Wase 43

O Jisu Karisito e Rairai vei ira na Nifaiti

Vakasoqoni vata na Nifaiti

E vuqa na Nifaiti era soqoni vata ena valetabu mai Vanuasautu. Era a qoroya na veisau lelevu ena nodra vanua.

3 Nifai 11:1

o ira na tamata era veivosaki

Era veivosaki tiko na tamata baleti Jisu Karisito kei na ivakatakilakila ni nona mate.

3 Nifai 11:2

era rogoca na tamata na domo rogo lailai

Ni ra veivosaki tiko, era a rogoca e dua na domo rogo lailai mai lomalagi. Sa yaco kina me raragi na lomadra.

3 Nifai 11:3

tagane taura tiko na yalewa

E liu era a sega ni kila na domo, ia ena gauna a vosa kina ena ikatolu ni gauna, era sa qai kila.

3 Nifai 11:4–6

tamata era vakarorogo tiko

A domo i Tamada Vakalomalagi. E a vakamacalataki Jisu Karisito ka tukuna vei ira na tamata me vakarorogo vua.

3 Nifai 11:7

O Jisu ena kedra maliwa na tamata

O Jisu Karisito e a lako sobu mai lomalagi ka tu ena kedra maliwa na tamata. Era a rere ni vosa baleta ni ra sega ni kila na ka sa yaco tiko. Era nanuma ni o Jisu e dua na agilosi.

3 Nifai 11:8

O Jisu e vosa tiko vei ira na tamata

E a tukuna vei ira ni o koya o Jisu Karisito, o koya era a kaya na parofita ni na lako mai.

3 Nifai 11:10

O Jisu kei ira na tamata

E kaya o Jisu vei ira na tamata me ra lako mai ka tara na ivakatakilakila ena sarisarina kei na ligana kei na yavana, o koya e a lauvako kina ena kauveilatai.

3 Nifai 11:14

O Jisu tabe tiko kei ira na gonelalai

O Jisu a gadreva me ra kila na tamata ni sa nodra Kalou o koya ka ni a mate o koya me baleta na nodra ivalavala ca.

3 Nifai 11:14

O Karisito kei ira na Nifaiti

Era a lako yadudua na tamata ka tara na kena ivakatakilakila ena yasa i Jisu, e ligana, kei na yavana. Era a kila na tamata ni sai koya na iVakabula.

3 Nifai 11:15

o ira na tamata era qaravi Jisu tiko

Era a qai vakacaucautaki Jisu na tamata ka cuva sobu e yavana ka vakarokorokotaki koya.

3 Nifai 11:17

O Jisu e solia tiko na matabete vei ira na turaga

O Jisu a kacivi Nifai kei na 11 tale na turaga ki vua. A solia vei ira o koya na kaukauwa ni matabete ka vakavulici ira ena sala dodonu ni veipapitaisotaki.

3 Nifai 11:18, 21–26; 12:1

O Jisu e vakavulici ira tiko na tamata

A tukuna vei ira na Nifaiti me ra na vakabauti koya, veivutuni, ka muria na ivakaro. Kevaka era sega ni cakava, e sega ni rawa mera curu ki na nona matanitu.

3 Nifai 12:19–20

O Jisu e vakavulici ira tiko na tamata

O koya a vakatavulici ira na Nifaiti ena ivakarau ni masu vei Tamada Vakalomalagi. O koya a vakavulica talega vei ira me baleta na lolo ka kaya ni ra na vosoti kevaka era veivosoti vakataki ira.

3 Nifai 13:6–18

O Jisu e vakavulici ira tiko na tamata

Ni vakavulici ira oti na tamata ena vuqa na ka, a tukuna vei ira o Jisu me ra lako ki vale ka vakasamataka ka masulaka na veika a kaya o koya.

3 Nifai 17:1–3

Era sa tagi na Nifaiti

Era a tekivu me tagi na Nifaiti Era a sega ni vinakati Jisu me se biuti ira mada.

3 Nifai 17:5

O Jisu e vakavulici ira tiko na tamata

O Jisu e a lomani ira na Nifaiti. A tukuna vei ira me ra kauta mai na tamata tauvimate se mavoa vei koya me rawa ni vakabulai ira.

3 Nifai 17:7

O Jisu e vakabula tiko na gonelailai

O Jisu a vakabulai ira na tamata oqo. Era a cuva kecega ka vakarokorokotaki koya.

3 Nifai 17:9–10