Wase 17
Era sa Dro o Alama kei ira na Nona Tamata
Ena dua na siga ni ra cakacaka tiko na tamata i Alama ena nodra veiwere, era takoso mai e dua na mataivalu ni Leimani ki na iyalayala ni vanua ki na nodra vanua.
Era sa rere na Nifaiti ka ra cici yani ki na koro mera taqomaki. E kaya o Alama vei ira me ra nanuma tiko na Kalou ka na vukei ira o koya. Era sa tekivu masu na Nifaiti.
E vakamalumalumutaka na yalodra na Leimani na Turaga, ka ra sega ni vakamavoataki ira na Nifaiti. Era sa mai veilecayaki tu na Leimanaiti ena nodra vakasaqarai ira tiko na Tui o Limiai kei na nona tamata.
Era yalataka na Leimanaiti vei Alama ni ra na sega ni mai vakasosataki ira na nona tamata kevaka me tukuna vei ira na sala me ra lesu tale ki na nodra vanua. Sa vakaraitaka vei ira o Alama na sala.
Ia, era sega ni vakayacora na nodra yalayala na Leimanaiti. Era biuta wavolita na vanua na dau yadra, ka ra sega tale ni galala o Alama kei ira na nona tamata.
Sa lesi Emuloni na Tui ni Leimanaiti me lewai ira na tamata nei Alama. E dua vei ira na Nifaiti ka bete ivalavala ca i Noa na Tui o Emuloni.
E cakava o Emuloni me ra cakacaka vakaukauwa na tamata nei Alama. Era masu mera vukei, ia e kaya o Emuloni ni na vakamatei na tamata era kune ni ra masu tiko. Era tomana tiko ga na masumasu e lomadra na tamata.
E rogoca na Kalou na nodra masu ka vakaukauwataki ira na tamata ka vaka me sa mamada mai na nodra cakacaka. Era tamata mamarau ka dauvosota.
Sa marautaka na Kalou ni ra yalodina tiko na tamata. E kaya o Koya vei Alama ni na vukei ira me ra dro bula mai vei ira na Leimanaiti.
Ena bogi era vakumuna mai na kedra kei na nodra manumanu. Ena mataka ka tarava sa vakavuna tu na nodra moce lutu na Leimanaiti na Kalou me rawa ni ra dro o Alama kei ira na nona tamata.
Ni oti na ilakolako ni 12 na siga, era sa yaco mai ko ira na tamata ki Saraemala, ena vanua sa kidavaki ira kina ko Mosaia na Tui kei ira na nona.