Wase 24
Sotava na Tamai Tui Lamonai o Amoni
Sa vinakata o Tui Lamonai me kauti Amoni me veisotari kei tamana. A vakaroti Amoni na Turaga me kua ni lako baleta ni na tovolea me vakamatei koya na tamai Lamonai.
Sa tukuna vei Amoni na Turaga me gole ga ki na vanua ko Mitonai, ka tiko vakavesu kina na tacina o Eroni. Sa lako vata kei Amoni o Tui Lamonai.
Ni rau lako voli rau a sotava na tamai Tui Lamonai, ka sa tui ni vanua taucoko. A tarogi Lamonai o koya se evei e gole tiko kina kei na dua na Nifaiti daulasu.
Sa tukuna vei tamana o Tui Lamonai me baleti Amoni kei na tacina ka a tiko vakavesu. Ena nona cudru, a vakaroti Lamonai o tamana me vakamatei Amoni ka me kua ni lako ki Mitonai.
A sega ni vinakata me vakamatei Amoni o Lamonai ka kaya ni rau na gole kei Amoni me laki sereki Eroni. Sa cudru vakalevu sara na tamai Lamonai ka ucuna na nona iseleiwau me vakamatei Lamonai.
Sa sudra ki liu o Amoni me taqomaki Lamonai. Sa qai tovolea me vakamatei Amoni na tamai Lamonai, ia a taqomaki koya rawa ka vakamavoataka na liga i tamai Lamonai.
Ni raica na tamai Lamonai ni sa rawa ni vakamatei koya o Amoni, sa solia o koya vei Amoni na veimama ni nona matanitu kevaka me na vakabulai koya.
Kaya o Amoni ni vinakati Eroni kei ira na nona itokani mera vagalalataki mai na vale ni veivesu ka vinakati Lamonai me taura dei tu na nona matanitu.
Sa siqema na tamai Lamonai ni sega ni via vakaleqai koya o Amoni. A kurabui o koya ena levu ni nona lomani luvena o Amoni. A sureti Amoni o koya me vakavulica vua na kosipeli.
Sa lako ki Mitonai o Amoni kei Tui Lamonai. A veivosaki kei na tui e kea o Lamonai, ka sa sereki mai vale ni veivesu o Eroni kei ira na nona itokani.
Sa rarawa o Amoni ni raica na ivakarau ni nodra vakalolovirataki. Era sa kune rarawa vakalevu ia era sa vosota ga.