Wase 15
E Veivakavulici ka Veipapitaisotaki o Alama
E dro tani mai vei ira na italai nei Noa na Tui o Alama ka vuni tu me vuqa na siga. Ni a vuni tiko o koya, e vola voli o koya na veika e vakatavulica na parofita o Apinatai.
E veivutunitaka na nona ivalavala ca o Alama ka lako lo yani vei ira na Nifai, ka vakatavulica vei ira na itukutuku nei Apinatai. E tukuna vei ira na tamata o Alama me ra vakabauti Jisu Karisito kei na veivutuni.
Ena loma ni siga e vuni toka o Alama ena dua na veikau volekata nai silisili ka vakatokai na Wai o Momani.
O ira era vakabauta na ivakavuvuli nei Alama era lako ki na wai ko Momani ka papitaisotaki. E papitaisotaki ira e 204 na tamata o Alama ki na Lotu i Karisito.
E lumuti ira na bete o Alama me ra vakavulici ira na tamata. E tukuna vei ira na bete me ra vakavulica na veivutuni kei na vakabauti Jisu Karisito. E kaya talega o koya e sega ni dodonu me ra veiba ia me ra duavata.
Era veilomani ka veiqaravi vakataki ira, na tamata i Alama. Era wasea na veika e tiko vei ira ka vakavinavinakataka na nodra sa vulica na veika baleti Jisu Karisito na nodra Dauveivueti.
Era raica na tamata nei Noa na Tui na nona vakavulici ira tiko na tamata o Alama. Sa kaya na tui ni sa vakavuna o Alama me ra vakanadakui koya na Nifaiti, ka sa tala yani e dua na mataivalu me vakamatei ira.
Sa vakasalataki Alama na Kalou ni sa lako tiko mai na mataivalu i Noa na Tui. Era vakasoqona vata mai na nodra matavuvale, manumanu kei na iyaya tale eso na tamata ka dro ki na lekutu.
E vaqaqacotaki ira na tamata i Alama na Kalou me rawa ni ra drotaka bula mai na mataivalu nei Noa na Tui. A vakasaqaqara na mataivalu ka sega ni kunei ira.
Ni oti e walu na siga na ilakolako ena lekutu, era sa yaco mai ki na dua na vanua totoka na tamata i Alama ka drodro tu kina na wai makare sara. Sa teivaki na kakana ka tara na vale.
Era sa vinakata na tamata me nodra tui o Alama, ia sa kaya vei ira o Alama ni sega ni vinakata na Kalou me ra vakatui. E vinakata na Kalou me ra bula galala.