Wase 7
Na Kena Tarai cake na Waqa
Ni oti e vica na siga na nodratou keba toka e matasawa na matavuvale nei Liai a qai vosa vei Nifai na Turaga. A tukuna vua me tara cake e dua na waqa me kauta kina na nona matavuvale ki na vanua yalataki.
E sega ni kila o Nifai na tara na waqa, ia a kaya vua na Turaga ni na vakaraitaka vua. A tukuna vei Nifai na vanua mena kunea kina na kaukamea ena gadreva me na cakava kina na iyaya ni cakacaka.
O Leimani kei Lemueli a veiwalitaki Nifai ena nona gagadre me tara e dua na waqa. Era tou sega ni vakabauta ni sa vakaraitaka na Turaga vei Nifai na ka me cakava. Rau a sega ni via vukei koya.
E tukuna o Nifai vei Leimani kei Lemueli me rau veivutuni ka me rau kua ni talaidredre. A vakananuma vei rau ni rau a raica e dua na agilosi. A tukuna talega vei rau na Kalou e tu vua na kaukauwa me cakava na ka kecega.
O Leimani kei Lemueli a cudruvi Nifai ka rau vinakata me rau viritaki koya ki na loma ni wasawasa.
Ni rau sa volekati Nifai yani, a vakaroti rau o Nifai me rau kakua ni tarai koya baleta ni se vakasinaiti tu ena kaukauwa ni Kalou. E rau rere tu ena vica na siga o Leimani kei Lemueli.
A qai tukuna na Turaga vei Nifai me tarai Leimani kei Lemueli. Ni sa cakava qo o Nifai, a qai vakayavalati rau na Turaga. E rau a qai kila kina o Leimani kei Lemueli ni kaukauwa ni Kalou e tiko vata kei Nifai.
Tukuna o Nifai vei Leimani kei Lemueli me rau talairawarawa vei nodrau itubutubu kei na Kalou. E kaya o Nifai ni kevaka era tou na cakava qo, eratou na vakalougatataki.
Rau a veivutuni o Leimani kei Lemueli ka vukei Nifai me tara na waqa.
A lako o Nifai ena vuqa na gauna ki na ulunivanua me lai masu ka kerea na veivuke. E a vakavulica vua na Turaga na kena na tara na waqa.
Na gauna a oti kina na nodratou tara o Nifai kei iratou na tacina na waqa, era tou kila ni dua na waqa vinaka. Eratou a vakavinavinaka vua na Kalou ena nona vukei ratou.