Chapit 11
Enòs
Enòs sete pitit gason Jakòb. Li te kenbe plak yo epi li te ekri sou yo apre papa l te fin mouri.
Yon jou Enòs t ale lachas nan forè a. Li te reflechi sou ansèyman papa l yo epi l te vle jwenn padon pou peche li.
Enòs te mete ajenou epi l te priye Bondye. Li te priye tout jounen an epi li te kontinye priye lè lannuit te rive.
Bondye te di Enòs ke akoz lafwa li nan Jezikri, peche l yo te padone.
Apresa Enòs te mande Senyè a pou l te beni Nefit yo. Li te priye pou yo, epi Senyè a te di l ke l t ap beni yo si yo te obeyi kòmandman l yo.
Enòs te vle Senyè a beni Lamanit yo. Li te priye avèk anpil lafwa, epi Senyè a te pwomèt pou l te fè sa Enòs te mande a.
Malgre Lamanit yo te konbat Nefit yo epi te eseye detwi anal yo, Enòs te priye pou yo te ka vin yon pèp jis.
Enòs te priye pou anal ki te nan men l yo te ka rete entak. Senyè a te pwomèt li ke yon jou li t ap bay Lamanit yo ansèyman ki te ekri nan anal sa yo.
Enòs te preche Nefit yo. Li te vle yo kwè nan Bondye epi kenbe kòmandman yo.
Nefit yo te eseye anseye Lamanit yo levanjil la, men yo pa t vle tande. Lamanit yo te rayi Nefit yo.
Enòs te pase lavi li ap anseye moun yo konsènan Jezi ak levanjil la. Li te sèvi Bondye epi l te renmen l tout lavi li.