Chapit 44
Jezikri beni timoun yo
Jezikri te di Nefit yo pou yo te mennen timoun piti yo ba li. Timoun yo te chita atè a bò kote Jezi.
Sovè a te di moun yo pou yo te mete yo ajenou. Apresa li te mete l ajenou epi l te priye Pè Selès la.
Priyè Sovè a te tèlman mèvèye ke moun pa t ka ekri li. Li te ranpli Nefit yo ak lajwa.
Apre priyè l la, Jezi te di Nefit yo t ap resevwa benediksyon poutèt lafwa yo.
Li te sitèlman santi anpil lanmou ak lajwa ke l te kriye.
Apresa li te pran timoun yo epi l te beni yo youn apre lòt. Li te priye Pè Selès la pou yo epi l te kriye ankò.
Jezi te di Nefit yo pou yo te vire je gade timoun yo.
Pandan moun yo t ap gade, zanj te desann soti nan syèl la epi yo te ansèkle timoun yo. Timoun yo ak zanj yo te antoure avèk dife.