Chapit 27

Koriyò

Yon mesye ki te rele Koriyò te rive Zarayemla. Li pa t kwè nan Jezikri epi li te preche ke sa pwofèt yo te di konsènan Sovè a pa t verite.

Alma 30:6, 12–14

Koriyò te di moun yo ke yo te fou si yo te kwè ke Jezi t ap vini sou tè a epi soufri pou peche yo.

Alma 30:16

Li te di moun pa t ap pini pou peche yo paske pa gen okenn lavi apre lanmò. Anpil moun te kwè Koriyò. Yo te vin mechan.

Alma 30:17–18

Koriyò te eseye preche pèp Amon an, men yo pa t vle koute li. Yo te mare li epi yo te mennen l devan Amon, ki te fòse l kite vil la.

Alma 30:19–21

Koriyò te ale nan peyi Jedeyon an, men moun yo pa t vle tande l nonplis. Jij anchèf la te voye l devan Alma.

Alma 30:21, 29

Alma te mande Koriyò si l te kwè nan Bondye. Koriyò te di li pa t kwè. Alma te temwaye ke gen yon Bondye epi Kris la t ap vini.

Alma 30:37–39

Koriyò te vle pou Alma fè yon mirak pou te pwouve l ke gen yon Bondye. Koriyò te di li t ap kwè nan Bondye si l te wè yon siy sou pouvwa Bondye.

Alma 30:43

Alma te di Koriyò li te deja wè anpil siy pouvwa Bondye atravè ekriti yo ak temwayaj tout pwofèt yo.

Alma 30:44

Alma te l ke di tè ak tout sa ki sou li ak mouvman planèt yo nan syèl la se siy tou ke gen yon Bondye.

Alma 30:44

Koriyò te refize kwè. Alma te tris akoz mechanste Koriyò epi li te avèti l ke nanm ni te ka detwi.

Alma 30:45–46

Koriyò te toujou vle yon siy pou te pwouve l ke gen yon Bondye. Alma te di siy Bondye ap bay la sete ke Koriyò pap t ap ka pale ankò.

Alma 30:48–49

Apre Alma te di sa, Koriyò pa t ka pale

Alma 30:50

Koriyò te ekri ke l te konnen se Bondye ki te bay siy la epi ke l te toujou konnen gen yon Bondye. Li te mande Alma pou l te priye epi retire malediksyon an.

Alma 30:52, 54

Alma te konnen ke si Koriyò te rejwenn lapawòl li ta p bay pèp la manti ankò. Alma te di ke se Senyè a ki t ap deside si Koriyò te dwe pale ankò.

Alma 30:55

Senyè a pa t pèmèt Koriyò rejwenn lapawòl. Koriyò te ale de kay an kay, ap mande manje.

Alma 30:56

Jij anchèf la te voye yon lèt nan tout peyi a pou l te rakonte sa k te rive Koriyò a. Li te di moun ki te kwè Koriyò yo pou yo te repanti. Moun yo te repanti.

Alma 30:57–58

Koriyò t al viv avèk Zoramit yo. Yon jou pandan l t ap mande, yo te pyetine li jiskaske l te mouri.

Alma 30:59