Chapit 49
Mòmon ak ansèyman l yo
Anpil ane apre Jezikri te vizite Nefit yo, yon ti gwoup moun te kite Legliz la epi yo te rele tèt yo Lamanit.
Alafen, prèske tout moun yo te vin mechan, ni Nefit yo ni Lamanit yo.
Yon mesye jis, Amawon, te kenbe anal sakre yo. Sentespri a te di li pou l te kache yo pou yo te ka ansekirite.
Amawon te di Mòmon, yon tigason 10 zan, kikote anal yo te kache. Amawon te konnen ke l te ka fè Mòmon konfyans.
Lè l te gen 24 tran, Mòmon te gen pou l te pran plak yo epi pou l te ekri apwopo pèp li a sou yo.
Lè Mòmon te gen 11 zan, yon lagè te kòmanse ant Nefit yo ak Lamanit yo. Nefit yo te genyen lagè a, epi lapè te retounen.
Men Nefit yo te sitèlman mechan ke Senyè a te retire twa disip yo, sa k te mete fen nan mirak ak gerizon yo. Sentespri a pa t ap gide pèp la ankò.
Lè Mòmon te vin gen 15 zan, Jezikri te vizite li. Mòmon te aprann plis konsènan Sovè a ak bonte li.
Mòmon te vle preche pèp la, men Jezi te di l non paske moun yo te twò mechan. Kè yo te monte kont Bondye.
Avan lontan yon lòt lagè te kòmanse. Mòmon te gran ak puisan, epi Nefit yo te chwazi l pou l te dirije lame yo a.
Nefit yo te konbat Lamanit yo pandan anpil ane. Mòmon te eseye ankouraje pèp li a pou yo te batay pou fanmi yo ak fwaye yo.
Men, Nefit yo te vin sitèlman mechan ke Senyè a pa t vle ede yo ankò.
Mòmon te di Nefit yo ke yo t ap epanye sèlman si yo te repanti epi vin batize. Men moun yo te refize.
Yo te vante tèt yo poutèt fòs yo, yo te di yo ta pral touye tout Lamanit yo. Akoz mechanste Nefit yo, Mòmon te refize kontinye dirije yo.
Lamanit yo te kòmanse venk Nefit yo nan chak batay. Mòmon te deside dirije lame Nefit yo ankò.
Li te konnen ke Nefit mechan yo pa t ap gen lagè a. Yo pa t repanti ni priye pou yo te jwenn èd yo te bezwen an.
Mòmon te pran tout anal yo soti nan Kolin Kimora a kote Amawon te kache yo a epi l te ekri pou moun ki te pral li anal sa yo yon jou yo.
Li te vle tout moun, enkli Juif yo, konnen konsènan Jezikri, pou yo repanti epi batize, epi viv levanjil la epi jwenn benediksyon.
Lespri a te enspire Mòmon pou l te mete ti plak Nefi yo, ki te gen pwofesi sou vini Kris la, avèk plak Mòmon yo.
Mòmon te dirije Nefit yo nan peyi Kimora a, kote yo te prepare yo pou yo te konbat Lamanit yo ankò.
Mòmon te kòmanse granmoun. Li te konnen sa ta pral dènye batay la. Li pa t vle pou Lamanit yo te jwenn anal sakre yo epi detwi yo.
Konsa, li te bay pitit gason li, Mowoni, plak Mòmon yo, epi l te kache rès plak yo nan Kolin Kimora a.
Lamanit yo te atake epi yo te touye tout Nefit yo, eksepte 24 Nefit. Mòmon te blese.
Mòmon te tris dèske si anpil Nefit te mouri konsa, men li te konnen ke yo te mouri paske yo te rejte Jezi.
Mòmon te eseye anseye Nefit yo verite a. Li te di yo kijan sa te enpòtan pou yo te gen lafwa nan Jezikri.
Li te eseye anseye yo pou yo te gen esperans atravè Ekspyasyon Jezikri a epi pou yo te gen charite, ki se lanmou pi Kris la.
Epi Mòmon te ekri lèt voye bay pitit gason li, Mowoni, ki te te anseye Nefit yo levanjil la tou.
Mòmon te ekri osijè mechanste terib Nefit yo. Li te di Mowoni pou l te rete fidèl nan Jezikri.
Lamanit yo te touye Mòmon ak tout Nefit yo, eksepte Mowoni, ki te fin ekri anal yo.