Chapit 29
Alma anseye sou lafwa ak sou Pawòl Bondye a
Alma te anseye Zoramit yo konsènan lafwa. Li te di ke moun ki mande yon siy anvan pou yo kwè yo pa gen lafwa.
Alma te di lafwa se kwè ke yon bagay vrè san w pa reyèlman wè li.
Li te eksplike ke lafwa grandi lè yon moun vle kwè epi tande pawòl Bondye a. Lè sa a, pawòl la plante nan kè moun nan, epi tankou yon semans, li kòmanse grandi.
Lè yon moun aprann plis apwopo levanjil la, semans la jèmen epi l kontinye grandi. Moun nan konnen ke semans la bon, epi lafwa l grandi vin pi solid.
Alma te di ke menmjan yon bon semans pwodui bon fwi a, se konsa pawòl Bondye a pote benediksyon pou moun ki gen lafwa yo.