Chapit 47

Jezikri beni disip li yo

Yon jou kote disip yo te reyini pou yo te jene ak priye, Jezikri te parèt devan yo.

3 Nefi 27:1–2

Disip yo te mande li kijan pou yo te rele Legliz la. Jezi te di yo ke legliz la ta dwe pote non li paske se Legliz li.

3 Nefi 27:3, 7

Jezi te eksplike disip li yo ke Pè Selès la te voye l sou tè a pou l bay tout moun lavi.

3 Nefi 27:14

Li te di tout moun ki repanti, ki batize nan non li e ki obeyi kòmandman l yo, yo pral konsidere yo kòm inosan devan Pè Selès la.

3 Nefi 27:16

Sovè a te di disip li yo pou fè sa yo te wè l fè. Li te tabli egzanp la pou yo.

3 Nefi 27:21

Li te di pou yo te ekri sa yo te wè ak sa yo te tande tou pou lòt moun ta ka konnen yo.

3 Nephi 27:23–25

Jezi te mande disip li yo kisa yo te vle l fè pou yo. Nèf nan yo te vle viv avèk li apre lavi yo sou tè a te fini.

3 Nefi 28:1–2

Jezi te pwomèt yo ke lè yo te rive laj 72 zan, yo t ap vin jwenn ni nan syèl la.

3 Nefi 28:3

Lòt twa disip yo pa t oze mande sa yo te vle a, men Jezi te konnen. Yo te vle rete sou tè a pou yo te ka anseye levanjil la jiskaske Jezi te retounen.

3 Nefi 28:5–6, 9

Sovè a te pwomèt yo ke yo pa t ap soufri doulè ni tristès epi yo pa t ap mouri. Yo t ap anseye moun levanjil la jiskaske l retounen.

3 Nefi 28:7–9

Jezi te touche chak disip yo eksepte twa yo ki te vle rete sou tè a. Epi apresa li te ale.

3 Nephi 28:12

Twa disip yo te monte nan syèl la, kote yo te wè ak tande anpil bagay mèvèye. Yo te vin kapab pi byen konprann bagay Bondye yo.

3 Nefi 28:13, 15

Kò yo te chanje pou yo pa t mouri.

3 Nefi 28:15

Twa disip yo te retounen sou tè a epi yo te kòmanse preche ak batize.

3 Nefi 28:16, 18

Nefit mechan yo te jete twa disip yo nan prizon ak nan pi byen fon, men pouvwa Bondye te ede yo chape.

3 Nefi 28:19–20

Lè yo te pouse yo antre nan founo dife ak andedan twou chaje bèt sovaj, yo te pwoteje pa pouvwa Bondye tou.

3 Nefi 28:21–22

Twa disip yo te kontinye preche Nefit yo levanjil Jezikri a. Yo toujou kontinye ap preche levanjil li a.

3 Nefi 28:23, 27–29