Chapit 8
Travèse lanmè a
Senyè a te di Leyi pou l te anbake fanmi l sou bato yo te konstwi a. Yo te anbake fwi, vyann, ak myèl ak semans pou yo te plante nan tè pwomiz la.
Gwo van te soufle pou te pouse bato a nan direksyon tè pwomiz la.
Laman, Lemyèl, ak kèk lòt moun te kòmanse vin mechan. Lè Nefi te di yo pou yo te sispann, yo te fache epi yo te mare l avèk kòd.
Akoz mechanste yo, Lyawona a te sispann travay. Yo pa t konn nan ki direksyon pou yo te mennen bato a. Yon gwo tanpèt te pouse bato a fè bak pandan twa jou.
Leyi te di Laman ak Lemyèl pou yo te demare Nefi, men yo pa t vle tande. Leyi ak Sarya te tèlman fache ke yo te vin malad.
Madanm Nefi ak pitit li yo te kriye. Yo te sipliye Laman ak Lemyèl pou yo te demare Nefi, men yo te refize.
Sou katriyèm jou a tanpèt la te vin pi move. Bato a ta pral koule.
Laman ak Lemyèl te konnen ke sete Bondye ki te voye tanpèt la. Yo te pè pou yo pa t nwaye.
Finalman Laman ak Lemyèl te repanti epi yo te demare Nefi. Malgre ponyèt li ak jepye l te vin anfle epi fè l mal akoz kòd yo, Nefi pa t plenyen.
Apresa Nefi te pran Lyawona a, epi l te rekòmanse travay. Nefi te priye, epi van yo te sispann. Lanmè a te vin kalme.
Nefi te dirije bato a, epi l te fè vwal al nan direksyon tè pwomiz la ankò.