Chapit 38
Asasina Jij Anchèf La
Mesye mechan te vin tounen jij sou Nefit yo. Yo te pini moun jis yo men pa moun ki te mechan yo.
Nefi te tris lè l wè tout kantite mechanste sa a nan mitan moun yo.
Yon jou li tap priye sou yon toudekontwòl nan jaden li. Jaden l la te tou pre wout prensipal ki te mennen nan mache nan Zarayemla a.
Moun ki t ap pase sou wout prensipal la te tande Nefi k ap priye. Yon gwo foul moun te rasanble, ap mande poukisa li te tris konsa.
Lè Nefi te wè moun yo, li te di yo li te tris akoz mechanste yo. Li te di yo pou yo te repanti.
Li te avèti yo ke si yo pa t repanti, lènmi yo tap pran kay yo ak vil yo epi Senyè a pa t ap dispoze pou konbat lènmi yo.
Nefi te di Nefit yo te pi mechan pase Lamanit yo paske Nefit yo te jwenn ansèyman sou kòmandman yo men yo pat obeyi yo.
Li te di ke si Nefit yo pa t repanti, yo t ap detwi.
Kèk nan jij mechan yo te la. Yo te vle moun yo pini Nefi paske l ta p pale kont yo ak lwa yo.
Kèk nan moun yo te dakò avèk jij mechan yo. Lòt te kwè Nefi; yo te konnen li sete yon pwofèt epi l te pale laverite.
Nefi te di moun yo ke yo te rebele kont Bondye epi yo ta pral sibi pinisyon talè konsa si yo pa t repanti.
Nefi te di moun yo pou yo t al chèche jij anchèf la. Yo ta pral jwenn ni ap benyen nan san li, apre frè l ki te vle pozisyon an te asasine l.
Senk mesye te soti soti nan foul la epi yo te kouri al wè jij anchèf la. Yo pa te kwè ke Nefi sete yon pwofèt Bondye.
Lè yo te wè Zèzwom, jij anchèf la, benyen nan san li, yo te tonbe atè avèk lakrent. Kounyeya yo te konnen ke Nefi sete yon pwofèt.
Sèvitè Zizwom yo te deja jwenn jij anchèf la mouri epi yo te kouri al anonse pèp la. Yo te retounen epi yo te wè senk mesye ki te kouche la.
Pèp la te ke sete senk mesye yo ki te asasinen Zèzwom.
Yo te mete senk mesye yo nan prizon epi apresa yo te pibliye nouvèl la nan tout vil la pou di moun te touye jij anchèf la epi asasen yo te nan prizon.
Nan jou apre a, pèp la te ale kote jij anchèf la ta pral antere a. Jij yo ki te nan jaden Nefi a te mande ki kote senk mesye yo te ye.
Jij yo te mande pou yo te wè asasen yo te akize yo.
Moun yo te akize kòm asasen yo sete senk mesye yo ki te kouri soti nan jaden Nefi a pou yo t al kote jij anchèf la.
Senk mesye yo te di yo te jwenn jij anchèf la ap benyen nan san, egzakteman jan Nefi te di a. Apresa jij yo te akize Nefi ke l te voye yon moun pou asasinen Zèzwòm.
Konesan ke Nefi sete yon pwofèt, senk mesye yo te diskite avèk jij yo, menm yo pa t vle tande. Yo te mare Nefi anba kòd.
Jij yo te ofri Nefi lajan ak lavi li pou l te ka aksepte di ke l te fè konplo pou touye jij anchèf la.
Nefi te di jij yo pou yo te repanti pou mechanste yo. Apresa li te di yo pou yo t al kot Seantòm, frè Zizwòm.
Nefi te di yo pou yo t al mande Seantòm si limenm ak Nefi te fè konplo pou yo te asasinen Zèzwòm. Nefi te di yo ke Seantòm ta p di ”non.”
Apresa jij yo te dwe mande Seantòm si li te touye frè l la. Seantòm t ap di ”non” ankò, men jij yo t ap wè san sou rad li.
Nefi te di Seantòm t ap tranble epi l t ap pal apresa epi l t ap finalman konfese ke l te touye frè l la.
Jij yo te ale lakay Seantòm, epi tout bagay te pase jan Nefi te di yo sa t ap pase a. Nefi ak senk mesye yo te jwenn liberasyon yo.
Pandan moun yo ta prale kite Nefi, kèk te di li sete yon pwofèt; lòt te di li sete bondye. Nefi t al lakay li, toujou tris pou mechanste moun yo.