Chapit 16: Wa Limi ak pèp li a chape

Lamanit yo te kaptire anpil nan Nefit ki pa t chape avèk Wa Nowe yo. Lamanit yo te ale avèk yo epi yo te ba yo tè men yo te fè yo peye gwo taks.

Nefit yo te chwazi Limi pou nouvo wa yo. Limi sete pitit gason Wa Nowe, men li pa t mechan tankou papa li. Li sete yon bon gason.

Wa Limi te eseye fè lapè avèk Lamanit yo, men yo te kontinye kenbe Nefit yo epi aji avèk kriyote kont yo.

Yon jou Wa Limi te wè kèk etranje nan alantou vil la. Li te fè mete yo nan prizon. Etranje yo sete Nefit ki te soti Zarayemla.

Dirijan yo a te rele Amon. Wa Limi te kontan wè li. Li te konnen ke Amon te ka ede pèp li a chape anba men Lamanit yo.

Wa Limi te rele pèp li a pou yo te rasanble. Li te raple yo ke mechanste yo sete rezon k te fè yo te tonbe anba men Lamanit yo.

Li te di pèp la pou yo repanti, fè Bondye konfyans, epi obeyi kòmandman yo. Si yo te fè sa Bondye t ap ede yo chape.

Nefit yo te aprann ke Lamanit ki t ap gade vil yo a te konn bwè tout tan jiskaske yo te sou lannuit.

Jouswa sa a, Wa Limi te voye plis diven toujou pou gadyen yo kòm kado.

Wa Limi ak pèp li a te rive pase bò kote gadyen yo ki k te sou yo epi yo te chape.

Amon te fè Wa Limi ak pèp li a travèse dezè a rive Zarayemla, kote yo te byen akeyi yo.