Chapit 9

Yon nouvo fwaye nan tè pwomiz la

Bato a ki t ap transpòte fanmi Leyi a te travèse oseyan an epi l te rive nan tè pwomiz la. Moun yo te monte tant yo.

1 Nefi 18:23

Yo te prepare tè a epi yo te plante semans yo te pote yo.

1 Nefi 18:24

Pandan yo t ap mache vizite nouvo tè yo a, yo te dekouvri plizyè kalite zannimo. Yo te jwenn lò, ajan, ak kuiv.

1 Nefi 18:25

Bondye te di Nefi pou l te fè plak metal pou l te ka ekri sou yo. Nefi te ekri konsènan fanmi li ak vwayaj yo te fè yo. Li te ekri pawòl Bondye yo tou.

1 Nefi 19:1, 3

Leyi te vin granmoun. Anvan l te mouri, li te pale ak pitit gason l yo epi l te di yo pou yo te obeyi kòmandman Bondye yo. Li te beni pititpitit li yo tou.

2 Nefi 1:14, 16; 4:3–11

Apre lanmò Leyi, Laman ak Lemyèl te vin fache kont Nefi epi yo te vle touye li. Yo pa t vle pou Nefi, ki te ti frè yo, vin dirije yo.

2 Nefi 4:13; 5:2–3

Senyè a te di Nefi pou l l te mennen moun ki te jis yo nan dezè a. Yo te vwayaje pandan plizyè jou epi finalman yo te rive nan yon peyi yo te rele Nefi.

2 Nefi 5:5–8

Moun ki te suiv Nefi yo te obeyi Bondye. Yo te travay anpil epi yo te beni. Nefi te anseye pèp li a pou yo te fè konstriksyon avèk bwa ak metal. Yo te konstwi yon bèl tanp.

2 Nefi 5:10–11, 15–16

Moun ki te suiv Laman ak Lemyèl yo te rele Lamanit.

2 Nefi 5:14

Lamanit yo pa t obeyi Bondye epi li te retire yo nan prezans li. Lespri Senyè a pa t kapab rete avèk yo pazavan yo te repanti.

2 Nefi 5:20; Etè 2:15

Lamanit yo te plen mechanste epi yo te souvan al batay avèk Nefit yo.

2 Nefi 5:24–34