Chapit 2
Leyi avèti moun yo
Pifò nan moun ki t ap viv nan Jerizalèm yo, 600 zan avan nesans Kris la, te mechan. Bondye te voye pwofèt pou te di yo pou yo te repanti, men yo pa t vle tande.
Leyi sete yon pwofèt. Li te priye pou pèp li a te repanti. Pandan l t ap priye, yon kolòn dife te parèt devan l. Bondye te pale avèk Leyi epi l te montre l anpil bagay.
Leyi te retounen lakay li epi l te fèyon vizyon. Li te wè Bondye antoure avèk anpil zanj. Zanj yo t ap chante ak bay Bondye louwanj.
Nan vizyon l la, Leyi te resevwa yon liv ki te rakonte sa k ta pral pase nan lefiti. Li te li ke Jerizalèm ta pral detwi akoz de mechanste pèp la.
Leyi te di moun yo ke Jerizalèm te gen pou l detwi. Li te pale yo de vini Jezi a tou. Moun yo te fache epi yo te eseye touye Leyi, men Senyè a te pwoteje li.