Chapit 31

Kapitèn Mowoni defèt Zarayemana

Zarayemna, lidè Lamanit yo, te vle pou pèp li a te kontinye rayi Nefit yo epi fè yo tounen esklav.

Alma 43:5, 8

Nefit yo te vle konsève teritwa yo ak fanmi yo an libète. Yo te vle lib lib pou yo te adore Bondye tou.

Alma 43:9

Kapitèn Mowoni sete lidè lame Nefit yo. Lè Lamanit yo te vin batay, Mowoni ak lame lyo t al rankontre yo nan peyi Jèchon an.

Alma 43:15–16

Kapitèn Mowoni te prepare lame l la avèk zàm, boukliye, pwoteksyon, ak rad epè.

Alma 43:18–19

Lamanit yo te gen yon gwo lame men yo te pè lè yo te wè pwoteksyon Nefit yo—Lamanit yo pa t konn mete anpil rad.

Alma 43:20–21

Lame Lamanit la pa t pran chans batay kont lame Kapitèn Mowoni an. Lamanit yo te kouri al nan dezè a epi yo te deside atake yon lòt nan vil Nefit yo.

Alma 43:22

Mowoni te voye espyon pou te siveye Lamanit yo. Li te mande yo tou pou yo te priye pou èd Senyè a. Senyè a te di Alma ki kote Lamanit yo ta pral atake.

Alma 43:23–24

Lè Mowoni te resevwa mesaj Alma a, li te kite kèk solda pou siveye Jèchon epi l te mache avèk rès yo pou yo t al rankontre Lamanit yo.

Alma 43:25

Sòlda Kapitèn Mowoni yo te kache sou de bò rivyè Sidon an, ap tann pou yo te pran lame Lamanit la nan pyèj.

Alma 43:27, 31–35

Yon batay te kòmanse, epi Lamanit yo te eseye chape nan travèsè rivyè a, men Nefit yo t ap tann yo sou toulède bò yo.

Alma 43:36, 39–41

Zarayemna ak lame l la te batay pi rèd pase yo te janm fè anvan, epi yo te touye anpil Nefit. Nefit yo te sipliye Senyè pou l te ba yo èd.

Alma 43:43–44, 49

Senyè a te fòtifye lame Nefit la. Lame a te antoure Lamanit yo, epi Mowoni te bay lòd pou batay la kanpe.

Alma 43:50, 52–54

Mowoni te di Zarayemna ke Nefit yo pa t vle touye Lamanit yo ni fè yo vin esklav yo.

Alma 44:1–3

Mowoni te di Lamanit yo pa t ka detwi lafwa Nefit yo nan Jezikri. Li te di yo Bondye t ap kontinye ede Nefit yo batay toutotan yo te rete fidèl.

Alma 44:4

Mowoni te bay Zarayemna lòd pou l te depoze zàm li yo. Lamanit yo pa t ap mouri si yo te pwomèt pou yo pa janm retounen konbat Nefit yo ankò.

Alma 44:5–6

Zarayemna te bay Mowoni zàm li yo men li pa t pwomèt pou l pa t batay. Mowoni te remèt Lamanit yo zàm yo pou yo te ka defann tèt yo.

Alma 44:8, 10

Zarayemna te plonje sou Mowoni pou l touye li, men yon sòlda Nefit te frape l epi yo te kase epe Zarayemna a.

Alma 44:12

Apresa sòlda a te koupe cheve Zarayemna, li te mete l sou pwent epe li, epi l te leve l anlè.

Alma 44:12–13

Li te di yo ke Lamanit yo t ap tonbe tankou cheve a, amwenske yo te depoze zàm yo epi pwomèt pou yo pa t janm retounen batay ankò.

Alma 44:14

Anpil Lamnit te mete zàm yo nan pye Mowoni epi yo te pwomèt pou yo te sispann batay. Yo te pèmèt yo ale lib.

Alma 44:15

Zarayemna te ankòlè epi l te pouse rès sòlda yo al batay. Sòlda Mowoni yo te touye anpil nan yo.

Alma 44:16–18

Lè Zarayemna te wè ke limenm ak tout mesye l yo ta pral mouri, li te sipliye Mowoni pou l te epanye yo. Li te pwomèt pou l pa t janm tounen batay kont Nefit yo ankò.

Alma 44:19

Mowoni te kanpe batay la epi l te pran zàm Lamanit yo. Apre yo te pwomèt pou pa t batay ankò, Lamanit yo te ale.

Alma 44:20, 23